CLICK HERE FOR BLOGGER TEMPLATES AND MYSPACE LAYOUTS »

Sunday, August 16, 2009

غيره الحريم :"(

لاحول ولا قوه الا بالله
الله يرحم اموات حادث الجهرا
و يرفع عن مرضاهم
ويصبر اهلهم
:
طبعا الانباء الي اتردد عن ضلوع الزوجه الاولى بالموضوع
شي يعور القلب
مهما كان حرتها و مهما كانت حرقه قلبها
شنو استفادت 120 مره بين متوفيه و بين جريحه بذمتها
محتره من المعرس انتقمي منه
ادعي عليه جانج مظلومه دعوه المظلوم مابينها و بين الله حجاب
طلبي الطلاق بهذليه بالمحاكم
:
مو تحرقين العرس
شذنب الاطفال الي تيتمت
شذنب الرجال الي ترملوا
و الاب الي فقد بنت
:
مو حرام .. يعني المتوفين باذن الله شهداء ..
و الجرحي الي تشوهوا و الي حروقهم عميقه فيهم الزوجه و الام و البنت
دمرت حياتهم دمرت نفسيتهم
:
حسبي الله و نعم الوكيل
:
يعني قلنا الشريجه اتحر لو هي بالقبر
و الضره مره
:
بس مو لي هالدرجه شنو الشي المميز بهالريل الي اتسوي جذي عشانه
:
انا من امس قلبي مقموت من الخبر
:
الله يرحمهم و يصبر اهلهم و يخلف على شبابهم بالجنه و نعيمها
يارب انك تسكنهم جناتك جنات النعيم
و تشفي المصابين و تجعل جروحهم برد و سلام عليهم
و تشافيهم و تعافيهم و تكشف ضرهم و ضر كل مستضر
برحمتك و انت الشافي المعافي

6 comments:

jonoon 3aqel said...

يعني خلاص ثبت انه على الزوجة الاولى؟؟
اقصد تم الاعلان رسميا؟؟

انا سمعت عن موضوع الزوجة الاولى..بس هنا ف الدوحة ما تم الاعلان ان هي الفاعلة..

=========

الله يرحمهم و يجنبهم نار جهنم..
الله يوسع قبورهم و يدخلهم فسيح جناته..

و الله يصبر اهلهم و يعوضهم خير و يجمعهم في الفردوس الاعلى..

دمتي بخير

تحياتي

الخيلاء said...

انا شخصيا اتمنى انه يكون قضاء وقدر

ان شاء الله مالها دخل

esTeKaNa said...

تصدقين من امس وانا قلبي منمقمت
ومن عرفت الخبر وانا مصدومه
واتمنى فعلا يكون مجرد اشاعه
لاحول ولا قوة الا بلله
:(

الخيلاء said...

اي والله يا استكانه

والله طول الليل يتزاول لي الموقف
و تخيل لويهم بالخيمه

الله يرفع عن مرضاهم و يشافي مريضهم

jonoon 3aqel said...

موافق معاكم..


أتمنى يطلع موضوع الزوجة الاولى مجرد اشاعة..

تكفي صدمة وحده..
و تكفي حرقة قلب وحده..

الله يرحمنا و يرحمهم برحمته

الخيلاء said...

جنون عقل
---------

للاسف الموضوع مو اشاعه
:(