CLICK HERE FOR BLOGGER TEMPLATES AND MYSPACE LAYOUTS »

Thursday, September 3, 2009

قرقيعان و قرقيعان :)


اليوم اول ليله من ليالي القرقيعان


وقريت هالموضوع الحلو للاخت حناين بمنتديات كويتيات


و اكتشفت انه احنا كنا نقرقع غلط :)


كنا نقول بيت قصير و رميضان


بينما الصح اهو بين قصير و رميضان


اي بين شهر شعبان " الي كانوا يسمونه قبل قصير " و


بين شهر الرمضان


يعني القرقيعان بين شعبان و مابقى من رمضان


عاد الي كانوا مثلي يقولونها قبل بيت بدال بين لازم يقرقعون باثر رجعي الحين


و عن الفشله بما انه تعدينا سن التقرقع فقرقعوا بالمدونه :)


وترى قرقيعاني خوش قرقيعان مافيه شي حزر


وفيه برميت الي حسافه انقرض بالقرقيعان ماقمنا انشوفه

:/


يلا همتكم بالتقرقع

قرقيعان وقرقيعان
بين قصير ورميضان
عادت عليكم صيام
كل سنه وكل عام
لله يخلي الخيلاء
يالله تخلها لامها
عسا البقعه ما تخمها
ولا توازي على امها


يلا كل واحد يمد جيسه



و عساكم من عواده

:)



6 comments:

SHAHAD said...

لوووول
اي صح قبل كنا نقول بيت قصير ورميضان
عاد والله أعرف بنات من طقتي للحين يقرقعون بالشوارع لوول
فاصلين حدهم :/

والله قرقيعانج يشوق .. عليهم بالعافية

تصدقين محد باب بيتنا للحين لووول
كأنهم حاسين ما زهبنا قرقيعان لوول

Hope said...

جنج تدرين و حاسه فيني
حددده ودي اقرقع

=p
...

قرقيعان وقرقيعان
بين قصـير ورميـضان
عـادت عليكم صيـام
كل سـنة وكل عـام
لله يـخلـي الخيلاء
يالله تخلها لامها
عسى البقعه ما تخمـها
ولا توازي على امـها


=]

الخيلاء said...

ههههه عاوشا البنات

اعلى اشفيكم اتساسرون روحكم

لازم بصوت عالي اتغنون

:)

شهد
----

شفتي كلنا خواره قبل انقولها غير



hope
-----
عفيه عالشطوره

شفتي انا احقق لكم امانيكم لول

jonoon 3aqel said...

انتوا ما تقولون
" قرنقعوه قرقاعوه..عطونا الله يعطيكم
بيت مكه يوديكم
يا مكه يالمعمورة..
يا ام السلاسل و الذهب يا نورة..
"
و باقي الاغنية :)

عاد من يجي يقرقع اهني عندي ف امريكا!!
:(

اهني قرقيعانهم 31-10
هههههه

يا الله..الله يؤنسكم بالخير
تحياتي

أتيت متاخرة said...

قرقاعون ، وعادت عليكم ويالصيام
الله يخلي ولدهم ولدهم يالحباب وسيفه يرقع الباب
وسلم الخيلاء
يالله
وخلها لامها
يالله
يا شفيع الامه
خلي الخيلاء لأمها



شتبين بعد
يلا يبت لي 3 اجياس قرقاعون
لولدي وبنتي وزيونه الصغيرة اللي ببطني
وهالله هالله بالحلاو

Mamloo7a Q8ia said...

انا عقب هوشة اليرموك
اخاف اقرقع
;p
عساج تعودينه وكل سنه وتصومينه
:*