يوم اليمعه بالزواره عرضت خدماتي اني اودي لولو و سعودي باسكن روبنز
الانهم متفوقين .. و طبعا تحملت نتيجه قراري الا مسؤول و الي اتخذته في غفله من الزمن
فقمت و ستاذنت امهاتهم و ديتهم ومحد من الكبار رضى يشاركني الرحله
و اليكم الحوار الدائر
لولو : الحين انتي بتودينا ناكل بس ولا انشوف اشلون يصنعونه
الخيلاء: لا تاكلون بس لا زم اوديكم المصنع عشان انشوف شلون يصنعونه
سعود : احنا بالمانيا رحنا مصنع الكاكاو و كلينا ودينا
الخيلاء: وين اوديك .. لازم طياره و لازم معانا ريال و هدوم
سعود: عادي .. عندنا هدوم في بيت ماما .. و انا ريال يعني انا بيبي
اصلا اروح مع ابوي المسيد و بدور بيبي يقعد بالبيت
و مو لازم طياره احنا رحنا بالسياره
الخيلاء: انزين اهو بعيد و بعد شوي بيأذن
سعود : عادي انصلي بالطريج مثل لما انروح السعوديه
لاحظو كل هذا عشان بنروح ناكل باسكن وصلنا المانيا وردينا السعوديه
لولو : بس خلاص لا اتحن ترى الحين اتعصب ماتودينا
سعود: انا ابي كبير مو صغير
اهني تذكره نقطه لازم انبهم عنها عشان لا يفضحوني جدام الريال
الخيلاء : كل واحد ياخذ ون سكوب بس
سعود : انتي شنو ماعندج فلوس
انا طبعا و عيوني طايره : ليش ماعندي
سعود: الانه بس ون سكوب ابوي يخلينا نشتري وايد و بسكوت بعد
الخيلاء : ماما قالت ما سمعتها انت قالت بس واحد
وصلنا و نزلنا
لولو: شيليني ما اشوف
سعود : انا بعد
خلصنا و اخترنا
لولو : خالتي .. الي اهي امي .. ماترضى تاكلين برد
الخيلاء: امبلا ترضى
لولو : عيل ليش تشتربين ملك شيك
انا : مشتهيته
لولو : انزين
فجأه طرى على بالي سؤال
شنو احلامكم ..
جان يطمر سعودي .. مانبي انام ماراحت الشمس
لوووول مت من الضحك
جان اقوله شنو بتصير لما تكبر يعني
سعود : بروح الجيش
لولو: انا بصير طبيبه خيول ولا مدربه خيول
و احنا رادين تموا يسولفون عن المدرسه اثنينهم بنفس المدرسه و نفس الصف
بالدرب مرينا على مدرسه اخوي أيام الابتدائي
جان اقولهم هذي مدرسه فلان
جان اترد لولو .. و انتي وين مدرستج
قلت لها مو هني
سعود : هذي كبيره اصلا ماعندها مدرسه
حسيت اني ديناصور اشدعوه عاد ماعندي مدرسه
تأبى المروأه خدش شعوري
جان اقوله عندي مدرسه كل الناس عندها مدرسه .. بس بمنطقه ثانيه
جان ايقول اكيد قديمه و اتخرع الانه انتي وايد كبيره
قررت اغير مجرى الحوار حفاظا على برستيجي :)
جان اقولهم استانستوا
تكلموا مع بعض
اي وناسه
جان ينزر سعود لولو .. انتي سكتي اول الريال ايتكلم
حمش ولدنا ترى ..
يوم وصلنا حبوني جان يقولي سعود
مشكوره .. بس انا احب برد الجمعيه احلى
بعد عمري كسر خاطري .. قلت له ليش ماقلت لي جان وديتك
جان يقول لا عادي مره ثانيه ..
*****
عقب هالحوار
حسيت اشكثر الطفوله و البرائه شي مهم باليهال
عيال هالوقت صاروا يفتقدون هالشي
اتحسون ساعات انكم اتسولفون مع حريم و ريايل كبار
حلات اليهال بالبراءه الي اتزيدهم حلى
و انه اكبر همهم لعبتهم و الجمعيه حبيبه الشعب طبعا
ملاحظه : ابطال القصه اعيال خالاتي :)
28 comments:
ربي يحفظهم يا رب ونشوف سعودي بالجيش ولولو احلى طبيبة خيول
وخليج لهم
من زمان عنه
!
الله يحفظهم :)
شخبار ورلد كلاس شوكلات
!!!
ياحلووووووووووووهم والله
الله يحفظهم
ذكرتيني بشغل الخالات وتدليع اليهال
ونااااااااسه
احلى شيء
لازم هدوم وريال
لووووووووووووووووووول
بس هذا اللي عايقكم عن السفره
الريال والهدوم
ههههههه
خوش سوالف
استمتعت
بس عاد جان يبتيلنا عالطريج
سكوب حقنا
انا المفضل عندي الستروباري تشيزكيك
:))))
لو سمحتي
:)
خوش طلعه الصراحه :)
لوووووووول حلاااااااااااتهم
وااي زوغه ياقلبي ولا لمه يولها الريايل اول لووول ياقلبي سمله والله
امبي صج تره الطفولة هالايام معدومه يعني نادر ما تشوفين ياهل يتصرف على عمره
تسلمين يالغاليه على هالروح الحلوة و البوست الاحلى
salamz sweetee...
شلون تروح الشمس وانتي معاهم يالخيلاء
:)
الله يخليهم لاهاليهم
بس صار فيني ابي بررررد
الله يخليهم لكم
اسم الله عليهم الرحمن الرحيم
يهبلووون ما شاء الله
الله يخليهم لاميمتهم و ابيهم
و يا عاااالي اشوووفج تسولفين عن عيالج
قولي امين
:)
يا ليت فيه نكهة بطعم رهش الشمالي
:P
حسافتج يا كويت
---------------
اللهم امين
تسلم اخوي :)
ولد الديره
------------
حلاته بصيف و الشمس حنانيه :)
امين
:)
فانكوفر
---------
وخليلج وليدج :)
بعد شسوي توهقت بروح المانيا الولد مابذنه ماي
خلاص باجر العصر ايبه لج
بس بليز برد عندكم لا تخليني انطر وايد بره اثلج انا و الجيز كيك و الستروبري
:)
q8i blogger
------------
تونس سوالف اليهال
:)
خروفه
-------
الله يسلمج
المهم انج استانستي عليهم :)
اي ولدنا حمش مايعترف ب ليديز فيرست لول
مناف
-----
اهو ايحاتي النومه لول
هههه انت و لد الديره جني استاثمت فيكم
و يخليلك غاليك :)
فتى الجبل
-----------
و يخليلك كل من يعز عليك :)
داركنس
-------
ياهلالا
وين هالغيبه من زمان مامريتينا :)
و يخليلج غاليج
ولد الديره
------------
لوووول
اقترح عليهم و خلهم يسمونه ولد الديره فليفر :P
-----------
:)
وين الامين؟
ليكون مستحيه
:p
ونااااسة
احلى شي بالدنيا اليهال
متعتي اسايرهم بسوالفهم
واونسهم
الله يخليهم لكم :)
الله يخليهم
لما تروحين مره ثانيه اخذينا معاج
انا و داركنس
باسكن روبنز
:) بخيله
داركنس
-------
يوزي عني :)
نجمه
-----
حي الله نجمتنا :)
صاجه والله سوالفهم كلها برائه
ايضيع الوقت ماتحسين
وخليلج كل من يعز عليج :)
peace
------
امين :)
المره اليايه بحط اعلان بالدوار
و الدعوه عامه لول
mok
-----
انت و سعود اطلعون علي اشاعات
هذاك يقول ماعندي فلوس
وانت اتقول بخيله
لا و بعد ترى شروا بس ون سكوب لول تقشف
مرورك يسعدني ..
ان شاء الله اتكون عضو دائم لمدونتي
:)
لوول
الله يخليهم لكم
وتعيشين وتيبينلهم
السلام عليكم
الله يحفظهم ان شاء الله ويعطيهم اكثر من حلمهم
إشتهيت ملك شيك باسكن روبن !!!
بس الحين وين احصله مفتوح الساعة 6 الفجر
على فكرة لي مقالة قديمة عن براءة الأطفال
:))))))
عجييبيين ياا حلووهم الله يحفظهم يا رب
احلى عمر هذا عندى ان الياهل يسال ويتكلم بحدود عالمه وخياله الوايع
يموتوون ضحك
بس موجذى السالفه
السالفه شوقتينى على البرد
جنى بروح الحين
ههههههههه
عوافى يالخيلاء
ويتربون بعزكم
:)
عسى الله يخليهم
والله اني احب اليهال
حمد
-----
امين .. الله يبلغ اهلهم فيهم :)
تسلم
someone q8
-----------
وعليكم السلام
امين ان شاء الله انشوفهم احسن ناس :)
بوصالح
-------
ههههه استاثمت فيكم كلكم
واكيد لي مرور على مقالتك :)
كاريزما
---------
حلاتهم بهالعمر قبل دعل و عقب كبار مايونسون :) .
ولين .. شكلي بفتح فرع لهم بزاويه البلوق ..
شوقتكم و ماذوقتكم كسرتوا خاطري لول
الله يعافيج و يخليلج غاليج
محسد
-----
امين
اتحس القعده معاهم كلها برائه لا نفاق ولا تكلف :)
الله يحفظهم
واااااي زوقه زوقه
!!
ذكرتيني ببنت عمي
تقولي انتي جم عمرج
يوم قلت لها قالت اولللللللله
وتحط ايدها على راسه
قلت لها يا قليله الادب شنو اولله
حرتني تصدقين
hehehehehehe
:)
يا حبي حق هالطلعات انا
لازم اكتب لج بوستات عن عيالنا
ذاك اليوم موديتهم ماكدوالدز
وقاعدين يلعبون طائره بالسياره
وكل شوي طاخ على راسي
غير السنعه اللي قاعده يمي وتترقص حق السياير وترسل قبلاتها للمعجبين بالهواء
!!
اليهال طماشه
يا حلوهم
الله يحفظهم يارب
فهد العسكر
------------
يا هلا و مرحبه ..
تو مانورت البلوقات
وين هالغيبه :)
تسلم
استكانه
--------
ههههه
صراحه خرب برستيجي
حسيت اني من مواليد القرن الحجري
يحافظ ماعند مدرسه عاد
اذا امي عندها لول
الله يحفظهم
خو النجره على العاب مكدونالدز ماتخلص ولا واحد يبي نفس الثاني
عشان لا يتخربطون
و البني لازم القبلات و السلام حق السيارات الي اتشاخط يمهم :)
ولهنا عليج لا تقاطعين :*
Post a Comment