Today is My Birthday
بما اني بلغت من الكبر عتيا
جميع معشر البلوقرز معزومين على الحفله الميمونه
:)
و التي تقام في خيمه على طريق الوفره الزراعي جنكم رايحين الضاحيه
ترى مو مقر انتخابي خو يسويها البخت و اتحل الحكومه المحلس باجر
و عبالهم خيمتي الاحتفاليه مقر انتخابي
راح يدليكم على الخيمه اللوحات الاعلانيه للراعي الرسمي
يحي الحفل الفنان القدير صاحب الطار العجيب
طول هالاسبوع كنت قاعده استقبل كم هائل من الهدايا طبعا بوريكم صورهم
:D
طبعا الحفلات ما تحلو الا مع البوفيهات عقب وصلت الطرب
حياكم تفضلوا لا تستحون بس قبل البوفيه لازم اطفي شمعه عيد ميلادي
طبعا ماراح اقولكم My Wish :]
قبل لا تطلعون تفضلوا السفونيرات كوكيز من فيلجا مع جوكليت من بلجيكا
نسيت اقولكم انه اكو خيمه للشباب و خيمه للبنات
و ان شاء الله تستانسون بحفلتي الصغيرونه
:)
19 comments:
بالمبارك، وإن شاء الله العمر كله، ونروح إحنا وتبقين أنت تذكرينا بالخير
سؤال
المشروب علينا وإلا مع البوفيه، لأن اللي فهمته إن الشباب بروح والبنات بروح
اعتذر عن القدوم لان الحفل مافيه اختلاط يعني انتي وحدس واحد وهم يايبه القصار وانا مااحبه لو عمرو دياب جان اوكي وبعدين بوفيهكم مو حلو
:p
كل عام وانتي بخير وعقبال 113 سنه وسبع اشهر وخمس ايام
الغالية الخيلاء
صبحك الله بالخير والسرور
كيف الحال يالغالية
ألف مبروك وكل عام وأنتي ومن تحبين بألف خير وصحة وعافية
وخشيلنا من الكوكيز لأني مدمن كوكيز
:)
تقبلي مني أجمل تحايا الصباح
كل عام وانتي بخير
والعمر كله يا رب
:**
كل عام وأنتي أغلى من اللي قبله
وانتي الخيلا
حبيبة استكانها ومن اغلى من عندها
:**
كل العمر وانتي بخير وصحة وسلامة
أسأل الرحمن ان يحفظ قلبك اللي احبه
ويعمره بحب قلب يصونه
ويحقق احلامك وطموحاتك الكبيرة
ويسعدك..دنيا وآخره
فأنتي القلب الذي يستحق الفرح
دمتي بخير
:**
واحتفلي..لج حق تفرحين
ونطروني واستقبلوني
انا كله ايي متأخر ترا
بس ميخالف نطريني
:**
كل عام وانتي بألف خير
والف صحة وعافية
ربي ينور دربج بالافراح
ويحقق لج كل ماتتمنين يالخيلاء
:*
واحلى حفلة
وعقبال مانحتفل فيج وانتي دكتورة
قولي آمين
:)
يعني ما فيه اختلاط اهم شي علشان الظواهر السلبية
و كل عام و انتي بخير
السلام عليكم
لج العمر كله ان شاء الله اختي
وهديتي لج هي
اللهم بارك في حياتها واحفظها من كل كرب و من كل شيطان , وارزقها من حيث لا تحتسب
اللهم آمين
happy birthday sweety :)
كل عام ونتي بألف خير
fahad alaskar
-------------
الله يبارك فيك تسلم
وي وخزياه ممنوع
تبي لجنه الظواهر السلبيه تزعل علينا
eng_q8
-------
هو ليش يا حافظ
اي بعد سيبريت عشان كل قروب ياخذ راحته
سم الله علي من حدس
مشكوور ماتقصر كافي زيارتك للبلوق
جنك ياي الخميه
:)
شقران
------
يا هلا
وينك ياخوي كلش مختفى
ماتبين
:)
وتسلم على الييه
متى بتمر تاخذ الكوكيز
ترى زاهب ينطرك
الزين
-----
هلا بالزين كله
هلا بالشيخه
:*
تسلمين لي
وانتي بخير يالغاليه
estekana
---------
هلا بالغاليه
تدرين اني احبج بالله
وفرحني تعليقج
احسن هديه لي
واللهم امين يارب
:)
الصراحه اخجلتيني بحضورج برغم مشاغلج
ترى هالييه عزيزه عندي
و شرايج ان شاء الله استانستي
:)
najmah
-------
هلا بنجمتنا الساطعه
امين يارب
و الحمد الله استانستي
عسى دوم هالوناسه
و امين الله يسمع منج
عاد بسوي حفلتي بالمالديف
:p
enter q8
---------
هلا فيك يا خوي
لا مافي مانبي باجر بالجرايد
فاضحينا ومخربين الحفله
:)
وانت بخير تسلم
someone_q8
----------
وانت بخير و صحه و سلامه
مشكور ماقصرت
خوش هديه عسى ربي يتقبل منا و منك
:)
fatto
------
هلا والله
وانتي بخير
حياج الله
:)
ويح قلبييييييييييييي
@@
ليششششششش محد قاليييييييي
حساااافه طافتني الحفله :((((
عيديها ممكن عشان ايي وميخالف سويها صغيرونها ومختلط عشان ما تتكلفين زياده مصاريف ;p
مانبي القصار الله يعافيج شنو عيايز :\
نبي الرويشد ;p
لو انها متأخرة
كل عام اونتي بخير
:)
بالمبارك
بالمبارك
الخييمة مو ضج
الصورة حدها حلوة
العمر كله
كل عام وانت بخير
وعقبال ميه سنه
الحفله علينااااا
وين تبينهاااااا
بخيمتى الانتخابيه...؟؟؟
الدعوه عامه
من الحين دعايه انتخابيه
من عندنا غيرج
kuwait
ميرا مار
شكرا لمروركم
و حياكم الله بالحفلتنا
:)
Post a Comment