حمد

حبيب الصبا

طالما كان اسمه غنوه تتغنى بها

واخباره تباشير الفرح لها

على مقاعد المحاضرات نتبادل الاوراق و السوالف

ولا تخلو السوالف من حمد

على كراسي الشو ستريت بالجامعه كما يحلو لها تسميته

يتقاسم معنا حمد الفرابتشينو البارد بالصيف الحار

اليوم ام حمد بتزورنا

الله يالخيلاء مادري متى بيتخرج ونفتك

ابتسم و افكر بيني و بين نفسي

ياترى حمد يدري عنها

امه اتسولف له عنها

مثل ماتسولف لها عنه

ام حمد صديقه لوالدتها ما ان دخلت صديقتي الجامعه

حتى بدات تلمح برغبتها لخطبيتها لولدها حمد

و انتقلت من التلميج الي التصريح

وكثره زياراتها لهم

وصار الموضوع

هلا بمره ولدي

هلا بمره الغالي

تنقل كل اخبار حمد لها

و اليوم الذي تاتي بكامل زينتها و كانها البدر ليله تمامه

اعلم انه حمد بالكويت و انها تعتقد انه قد يمر لرؤيتها من بعيد

تخرج حمد و تبشرني بتخرجه فجرا

وكل مافيها ينطق فرحه و حب

فحمد مناسب من جميع النواحي

الاجتماعيه و السياسيه و البيلوجيه و الاقتصاديه و العلميه

على الصعيدين الدولي و المحلي

نكمل مسيرتنا الجامعبه

و تستمر ام حمد بالزيارات و الاخبار

فحمد قدم على الوطني و البترول

بس ابوه يبيه يشتغل بالاستثمار

اتهقين ليش ماتقدموا لي الحين تسالني و تتوقع مني اجابه شافيه

وانا لا املك الا التخمين بامر حمد الذي تربع بقلبها برغبه من والدته

يمكن بيكمل دراسته

يمكن مو مستعيل على الزواج

ليأتي اليوم الذي تصلني به شهقاتها

حمد خطب

انصدمت

شلون و ليش و متى

امه شرايها

امه .. امه داقه اتبشر امي بالخطبه بدون اي احساس

تخيلي داقه عادي اتسولف و اتسال و عقب قالت بغيت ابشرج حمد خطب بنت فلان

عيال هالوقت ما يبون الا الوحدة اتكون على مزاجهم

و ان شاء الله انتوا اول المعزومين على الملجه بس خل يتفق مع مرته