مع الخيلاء أطيب :p

مقادير الاساسيه
---------------
عدد 50 نائب
عدد 15 وزير
عدد 1 رئيس مجلس وزراء
حنكه سياسيه
رؤيه واضحه
تعاون

محسنات
--------
شده
قرارات جريئه
تفاهم
اسلوب حوار
تطوير
تنميه

الطريقه

---------

نقوم بخلط ال 50 نائب حتى يتكون لدينا خليط متجانس من ناحيه الافكار و التوجهات

نقوم بتعين رئيس الوزراء و نمزج معه مقدار من الحنكه السياسيه

نقوم باضافه الوزراء الى المزيج و نضيف اليهم الرؤيه الواضحه

نقوم بمزج الخطوات السابقه كلها مع اضافه التعاون

نقوم باضافه المحسنات المذكوره اعلاه بعد التاكد من تمازج و انصهار المكونات الاساسيه مع بعض و عدم وجود ما يمكن ان يفسد هذه العجينه .. فنستخدم الشده متى ما استلزم الامر و نتخذ القرارات الجريئه اذا استدعت المصلحه .. اما التنميه و التطوير و اسلوب الحوار و التفاهم فيوصي بستخدامها كل طهاه البرلمانات

حتى لا تفسد الطبخة علينا الابتعاد عن ما يأتي

-------------------------------------------

البعد عن بهارات التأجيج حتى تتخمر العجينة عدل

البعد عن الصراخ حتى لا تمتلئ العجينة بالهواء و بتالي تفسد الطبخة

عدم الإكثار من استخدام المحسنات حتى لا يصبح طعم الطبخة مالق

تعليمات مهمه
---------------

تحتاج الطبخه الى شهرين حتى تعد و 4 سنوات حتى تنضج و نستمتع بطعمها و لذتها

على من يرغب بان يأ كل كعكه لذيذه ان يحسن اختيار المقادير الاساسيه يوم 17-5-2008

لمتابعه نتائج الطبخه و تطورات نضجها ننصحكم بالتوجه الي قاعه عبدالله السالم في مبنى مجلس الامه

مع تمنياتي لكم بلقمه هنيه تكفي ميه

:)

شرايكم مو مع الخيلاء أطيب من اسامه :p

سؤال

هل احنا و طنين زياده ولا الناس ماصار فيها وطنيه؟

هذا السؤال خطر ابالي بعد حوار مع بنت قبليه عمرها ما يتجاوز 20 و اتدافع عن القبليه و الفرعيات بكل قوه و تعصب

" ولاحد يقولي مصلحة الكويت فووق كل شي .. والله هذا كلام ماخوذ خيره"

تخيلوا بنت بال 20 اتقولي هالكلام والله ما زدت عليه شي بس الاني ما وافقتها الراي عن الفرعيات

والله انه قلبي عورني من كلامها و دمعت عيني .. عورني على الكويت .. على شباب الكويت .. شنو هذا .. ليش .. ابيع ديرتي كياني بين الناس عشان قبليه

والله الكويت ما تستاهل حرام الي يصير فيها

حرام غسيل المخ الي قاعد يصير بحق هالصغار مستقبل الكويت بيد هذيل

واااي والله لو اكتب من اليوم لي باجر ما اتصورون اشكثر قلبي يعورني و محتره من كلامها

محتره انه ماعندها ولاء حق الكويت و عادي عندها اتفاخر بهالشي

والله حرتني فوق ما اتصورون بغيت اذبحها

الـكويت مسؤوليتنا

الـــــكـــــويــــتـــــــ مـــســــؤولـــيــــتـــنــــا

و الان و بعد تكشف اقنعها لعديد من النواب .. علينا ان نعيد حساباتنا و ان يكون التصويت من اجل الكويت و نضع مصلحته الكويت و ابنائنا وتنميه بلدنا نصب اعيننا

حين نتسلم ورقه الاقتراع و نستتر بالستار لا يرانا فيه سوى الله و لا يقودنا الا ضميرنا وولائنا علينا ان نتذكر ان

الـــكـــويـــتــــ مـــســـؤولـــيـــتـــنـــا

يجب ان يكون تصويتنا من اجل الكويت .. لا للقبيله ولا الطائفه .. بل لمصلحه الكويت .. للتنميه .. للاستقرار .. للنهضه ..

الـــــكـــــويــــتـــــــ مـــســــؤولـــيــــتـــنــــا

LoVe YoU MoM and DaD

كـل سـنـه و انـتـي طـيـبـه يـا يـمـه

الله يخليج لنا ذخرولا يذوقفنا فراقج

امــي و ابــوي

يا بعد كل هالناس

اساتذتي بالحياه

حبايبي

اصدقائي

مستشاريني

نبض قلبي و نور عيني

ما اتخيل حياتي بدونكم

الله لا يحرمنا منكم ولا يحرمنا بركم

و يجعلنا لكم مثل ما تمنون و احسن

و يجعلنا قره عين لكم

اللهم اني اسالك برهم و اعوذ بك من عقوقهم ..

اللهم سرهم بنا بالاخره اذا سر اهل الصلاح بابناء الصلاح

اللهم امين

باسكن روبنز :)

يوم اليمعه بالزواره عرضت خدماتي اني اودي لولو و سعودي باسكن روبنز

الانهم متفوقين .. و طبعا تحملت نتيجه قراري الا مسؤول و الي اتخذته في غفله من الزمن

فقمت و ستاذنت امهاتهم و ديتهم ومحد من الكبار رضى يشاركني الرحله

و اليكم الحوار الدائر

لولو : الحين انتي بتودينا ناكل بس ولا انشوف اشلون يصنعونه

الخيلاء: لا تاكلون بس لا زم اوديكم المصنع عشان انشوف شلون يصنعونه

سعود : احنا بالمانيا رحنا مصنع الكاكاو و كلينا ودينا

الخيلاء: وين اوديك .. لازم طياره و لازم معانا ريال و هدوم

سعود: عادي .. عندنا هدوم في بيت ماما .. و انا ريال يعني انا بيبي

اصلا اروح مع ابوي المسيد و بدور بيبي يقعد بالبيت

و مو لازم طياره احنا رحنا بالسياره

الخيلاء: انزين اهو بعيد و بعد شوي بيأذن

سعود : عادي انصلي بالطريج مثل لما انروح السعوديه

لاحظو كل هذا عشان بنروح ناكل باسكن وصلنا المانيا وردينا السعوديه

لولو : بس خلاص لا اتحن ترى الحين اتعصب ماتودينا

سعود: انا ابي كبير مو صغير

اهني تذكره نقطه لازم انبهم عنها عشان لا يفضحوني جدام الريال

الخيلاء : كل واحد ياخذ ون سكوب بس

سعود : انتي شنو ماعندج فلوس

انا طبعا و عيوني طايره : ليش ماعندي

سعود: الانه بس ون سكوب ابوي يخلينا نشتري وايد و بسكوت بعد

الخيلاء : ماما قالت ما سمعتها انت قالت بس واحد

وصلنا و نزلنا

لولو: شيليني ما اشوف

سعود : انا بعد

خلصنا و اخترنا

لولو : خالتي .. الي اهي امي .. ماترضى تاكلين برد

الخيلاء: امبلا ترضى

لولو : عيل ليش تشتربين ملك شيك

انا : مشتهيته

لولو : انزين

فجأه طرى على بالي سؤال

شنو احلامكم ..

جان يطمر سعودي .. مانبي انام ماراحت الشمس

لوووول مت من الضحك

جان اقوله شنو بتصير لما تكبر يعني

سعود : بروح الجيش

لولو: انا بصير طبيبه خيول ولا مدربه خيول

و احنا رادين تموا يسولفون عن المدرسه اثنينهم بنفس المدرسه و نفس الصف

بالدرب مرينا على مدرسه اخوي أيام الابتدائي

جان اقولهم هذي مدرسه فلان

جان اترد لولو .. و انتي وين مدرستج

قلت لها مو هني

سعود : هذي كبيره اصلا ماعندها مدرسه

حسيت اني ديناصور اشدعوه عاد ماعندي مدرسه

تأبى المروأه خدش شعوري

جان اقوله عندي مدرسه كل الناس عندها مدرسه .. بس بمنطقه ثانيه

جان ايقول اكيد قديمه و اتخرع الانه انتي وايد كبيره

قررت اغير مجرى الحوار حفاظا على برستيجي :)

جان اقولهم استانستوا

تكلموا مع بعض

اي وناسه

جان ينزر سعود لولو .. انتي سكتي اول الريال ايتكلم

حمش ولدنا ترى ..

يوم وصلنا حبوني جان يقولي سعود

مشكوره .. بس انا احب برد الجمعيه احلى

بعد عمري كسر خاطري .. قلت له ليش ماقلت لي جان وديتك

جان يقول لا عادي مره ثانيه ..

*****

عقب هالحوار

حسيت اشكثر الطفوله و البرائه شي مهم باليهال

عيال هالوقت صاروا يفتقدون هالشي

اتحسون ساعات انكم اتسولفون مع حريم و ريايل كبار

حلات اليهال بالبراءه الي اتزيدهم حلى

و انه اكبر همهم لعبتهم و الجمعيه حبيبه الشعب طبعا

ملاحظه : ابطال القصه اعيال خالاتي :)

شكر و أعتذار

شكرا .. لكل شخص مر على مدونتي و علق على البوست الاخير

نظرا للتحديث الاخير لستايل البلوق .. و من حيث لا اعلم لول .. انحذف البوست الي طاف

اعترف طلعت لي وايد اشياء الاكيد انه من ضمنهم حذف البوست بس ما انتبهة له

اعتذر .. لكل من اعطاني من وقته و رد على البوست الي طاف

و الحمد الله جت سليمه و ماراح البلوق كله ..

:)

شموعي

اليوم

"

"

سقطت الورقه الصفراء من شجرتي

تكومت بجانب صويحباتها الاتي سبقنها بالسقوط

انظر اليها .. ارغب بعودتها

امد يدي لها

تنزوي عني بين رفيقاتها

"

"

انظر اليها .. ولا تنظر الي

في عيني دمعه

وعلى شفتي ابتسامه

ساشتاق لك

ساذكرك بحلوك و مرك

"

"

ادير ظهري لها مكرهه

"

"

انظر الى ورقتي الخضراء اليانعه

ابتسم برضا لها

و اتعهد برعايتها

و العمل على اسعادها

"

"

اكمل طريقي الي قاعه الحفل

يتحلقون حول الطاوله

تظيئ شموعي القاعه

"

"

ادخل بخطوات ثابته

اتمنى امنيتي

اطفئ شموعي

"

"

و استقبل عامي الجديد

"

"

كل عام و انتي بخير يا نفسي

كل عام و انتي تعينينني على الدنيا

كل عام و انتي صديقتي الصدوق

"

"

فارس الكلمه .. في ذمه الله

فقدت الكويت اليوم فارس من فرسان الكلمه الدكتور أحمد الربعي

فقد عرف عن الفقيد حبه للكويت و الذود عنها بكل مايملك و قد كان خير من يمثل الكويت في المحافل العربيه و الدوليه

عرف عنه النشاط السياسي منذ ان كان شاب في المرحله الثانويه

خاض الانتخابات اول مره عام 1984

تقلد وزاره التربيه في العام 1992 بعد فوزه في الانتخابات

كان الفقيد دكتور في الفلسفه في جامعه الكويت

اعتزل الحياه البرلمانيه في العام 2003

.

.

.

اللهم أغفر لأحمد الربعي وأرحمه وعافه واعفو عنه وأكرم نزله ووسع مدخله وأغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس

اللهم اجعل قبره روضة من رياض الجنة . لا تجعلها حفرة من حفر النار

اللهم ثبته عند السؤال.. اللهم ثبته عند السؤال .. اللهم ثبته عند السؤال

اللهم أبدله داراً خيراً من داره وأهلاً خيراً من أهله وأجعل منزله في أعالي جنانك وألهم أهله وذويه الصبر والسلوان

اللهم امين

الليله قمره

على ضوء القمر أراقب قصتهم الازليه

.

.

.

يصافح البدر البحر

ترد الموجات الرقيقه السلام

يشاركهم الهواء الكلام

.

.

.

و أنا اجلس وحدي

على دكه البيت القديم

تشاركني

.

.

.

اشجار مهمله

مراجيح صدأه

و فكر مشغول

.

.

.

استلقي على تلك الدكه

اتأمل النجوم المنثوره

.

.

.

تراودني صوره

تعلق بخيالي دائما في الليالي المقمره

.

.

.

هو و هي

.

.

.

يرقصان على سطح البحر

على لحن الموج

يشهد عليهما القمر

يضيئ لهم المرقص بنوره

يطوقهم النسيم العليل

.

.

.

وهما في عالمهم

.

.

.

تعيدني الى الواقع

نسمه رقيقه

تلامس خدي

.

.

.

يبتسم القمر

تهدا الأمواج

تقترب النجوم

.

.

.

تهمس لي النسمه

هل لا تشاركيننا الحديث

.

.

.

ابدالها الابتسامه

اضع قلمي وورقتي جانبا

اترك الدكه القديمه خلفي

.

.

.

واترك لكم تخيل الحديث الذي دار بيننا :)