هل احنا و طنين زياده ولا الناس ماصار فيها وطنيه؟
هذا السؤال خطر ابالي بعد حوار مع بنت قبليه عمرها ما يتجاوز 20 و اتدافع عن القبليه و الفرعيات بكل قوه و تعصب
" ولاحد يقولي مصلحة الكويت فووق كل شي .. والله هذا كلام ماخوذ خيره"
تخيلوا بنت بال 20 اتقولي هالكلام والله ما زدت عليه شي بس الاني ما وافقتها الراي عن الفرعيات
والله انه قلبي عورني من كلامها و دمعت عيني .. عورني على الكويت .. على شباب الكويت .. شنو هذا .. ليش .. ابيع ديرتي كياني بين الناس عشان قبليه
والله الكويت ما تستاهل حرام الي يصير فيها
حرام غسيل المخ الي قاعد يصير بحق هالصغار مستقبل الكويت بيد هذيل
واااي والله لو اكتب من اليوم لي باجر ما اتصورون اشكثر قلبي يعورني و محتره من كلامها
محتره انه ماعندها ولاء حق الكويت و عادي عندها اتفاخر بهالشي
والله حرتني فوق ما اتصورون بغيت اذبحها
33 comments:
ذبحج اسلامي الخيلاء وإلا بالصعق الكهربائي
يا معودة مو شي يديد , اقص ايدي اذا ما عندها 3 جناسي :) اذا مو اكثر
الوطن عند البعض يأتي في أسفل الأجندة
وهذه البنت وللأسف قد ألغت عقلها
بعد اربع إنتخابات يعني ربي يعطيج طولة العمر سنة 2020 او 2024
إذا استمرت الحكومة أتجقد فيهم وتسوي اللي سوتا اليوم أراهنج ماكوا شي بصير سنة 2020
وذكريني يا خيلائنا العزيزة
طراقين ثلاثة كلهم يوقفون
وعشان تصدقوني هالايام لا قلت حسافتج يا كويت لحد يقول تفائل
شلون اتفائل وام 20 سنة تقول جذي
المنقوزه ما تصوت عيل لو تصوت شبتسوي؟؟
الخيلاء ..
أولا أتشرف بأول تعليق في مدونتج الجميلة ..
شيء مؤسف فعلا .. بس هذا سوات الضعف و التخبط و عدم التخطيط ..
حتى مافي نهج تربوي وطني تمشي عليه الديرة لغرس حب الوطن و الولاء المطلق له ..
بس بشري أنا عندي مثال للقبلي لكن مشرف و أخ أعتز فيه و أملي في أمثاله كثير و هو مدون يكافح هذه الأمور
الأخ العزيز شقران
http://shagranq8.blogspot.com/
تحياتي
تذبحين وحدة ماتسوا حتى الدوسة بنعال ؟
هالاشكال مغسول مخها، وهم "اكثرية" بالبلد .. الله يحفظ الكويت منهم !
الكويت اكبر منها .. ولا تتكدرين عشان اشكال جذي
مع الأسف
يربونهم على " تقديس " القبيلة اكثر من حب الوطن و البلد
ما اعمم بس هذا الفكر الغالب
القبيلة ثم القبيلة ثم القبيلة
ولا شي بعد القبيلة
والله يا الخيلاء تره ماشفتي شي
احنا بحكم شباب ماعندنا غير هل مواضيع
وصراحه وايد وايد .. تارسين هل ديره يقدسون أشياء وشخصيات ويحطونهم قبل حتى الكويت
اذا هذي كانت تقدس قبيله
في ناس يقدسون أحزاب خارجيه .. في ناس يقدسون شخصيات إرهابيه
كلهم للأسف مغسوله مخوخهم مثل ماقلتي
والحل
حكومتنا تشد .. وتحسسنا انه احنا بدوله حديثه .. ماتتحكم فيها قبايل ولا تيارات خارجيه
ويعدين مانشوف ولا نسمع مثل كلام البنت الي كلمتيها
الله يحفظ الديره
ويعطيج العافيه
وياما هتشوفي
تو الليل
هذا من ردى التعامل والله
يمكن محترة
لانها احلا منج
يعنى موضوع بين بنتين
اكيد الغيرة لها
دور
:)
عزيزتي
جيل الثمانينات تربى على كسر القانون
تربى ان الطائفة والقبيلة اهم من الكويت
عشان جذي احنا نشيد بالاجراءات الحكومية الاخيرة لاعادة الهيبة للدستور والقانون
لالالام الله من لالامج
بوست ديلى بروحه حرنى
بعد اسمع وحده تتكلم بهالطريقه وهذا عمرها
ما ادرى سحابه صيف ماره ولا اهو فعلا لازم نبدى انتكيف ونحارب ولا شالى قاعد يصيير فينا
:(
الشكوه لله
اسم الله عليك من الحره
والله يهديهم
:/
امبي شصاير خليها مرده بطيح على راسها
salamz sis....
من اللي خلق هالبيئة؟
مساج الله بالخير
لحية احشمها و لحيه احشم نفسك عنها
بمعنى ان في ناس ممكن تتناقشين معاهم و ناس النقاش معاهم اهانة لج
و بعدين هذي سفيه بتحطين حالج حال سفيه؟
لا تحرين عمرج على هالاشكال حري عمرج على الكبار اللي لهم خبره بالحياة و افكارهم جذي
انا بعد احتريت ترى
تكفوووووووووون شيلوا الفرعيات تكفووون والله انا ادرى فيهم
---
وشلونج (a)
امبيه ترا حدي مستحيه وانا اقول شلونج لان ادري قطعت وايد بس منج السموحه يالغاليه ولا تزعلين
:)
تحية طيبة و بعد
اسأليها
هل تمت دعوتها للفرعية ؟؟؟
مانتوفاني
هذي مكوّكه مثل غيرها
وااااايد مكوكين
لا مخ ولا راي ولا شخصيه
ومعدودين علينا اوادم
:\
اذا تركوا الكويت وقطوا الجناسي
بالخمام مكرم القاريء
بعز ازمة الكويت
واشكره واحده قايلتلي
طلعنا لان شيخ قبيلتنا طلع
واحنا ما نقعد في بلد ما يقعد فيها
اشتنطرين منهم
:\\\
محسد
------
خنقا :p
هذا الي يحر انه عندها كذا جنسيه معه هذا اتكلم باسم الكويت
هذا مشكله الموروثات الاجتماعيه
الاشخاص يتشربونها من الصغير من دون لا يفرقون ما اذا كانت صحيحه او خطا
حسافتج يا كويت
----------------
جقدت فيهم و ماسوت عليها
صارت حكومه صداميه
صارت حكومه مسيره
يوم صارت السالفه قلت صج
حسافتج يا كويت :(
نفس كلام الوالد
يقول هذي طراقين 3 خلاص يخمرون و يخافون
والحمد الله انها ما تصوت
هذا و اهما حريمهم ما يروحون الفرعيات و جذي مأيديدن الله يعين لو يصوتون بالفرعيات
بو تشخيط
---------
الشرف لي اخوي .. :)
التعصب والولاء .. ينبع من القلب .. هذي اشياء ماتصير بالشده و الاجبار
المفروض التربيه الوطنيه و حب الوطن شي ينبع من الاهل و اتكمله المدرسه .. لاكن لا صار معدوم من الطرفين .. يطلعون امثال هالبنت
اخوي الكريم ..
من عمر الدنيا لو خليت خربت .. و اكيد في ابناء و بنات للقبايل و النعم فيهم و مصلحه الكويت ايبدونها على نفسهم
و شاكره مرورك الكريم على مدونتي
و ان شاء الله اتكون متابع دائم :)
as you like
-------------
الحمد الله انها مو جدامي
الاني ما اضمن شنو ممكن اسوي فيها :)
هذا الي يعور القلب انهم قاعدين يزيدون و يكابرون و الاهم يصرحون عن نفسهم و توجهاتهم دون اي اعتبار الاي شي
وعتبي الاساسي على الموروثات الاجتماعيه الغلط الي تاصلت بنفوسهم على انه صح و لازم ما ايتنازلون عنها
mtfa2el
--------
فعلا شي يحز بالخاطر
انه قلوب شابه اتكون متشبعه بهالعقليه الجاهليله
و ماترضى تسمع ولا عندها استعداد تقتنع
باي شي غير الي تربت عليه و ان كان غلط
شاكره مرورك الكريم :)
q8i blogger
------------
كل هالكلام و ماشفت :/
شبشوف بعد؟
صاج والله هالناس غيبت عقولها و سلمتها لغيرها يعيثون فيها فساد و يترسونها افكار لا من الدين ولا من حب الوطن
و الهدف الاول و الاخير المصلحه بغض النظر عن الدمار الي ممكن اتخلفه هالافكار الشاذه و الي ماتعلمنا عليها بالكويت
طول عمرنا يد وحده ولا نرضى على بعض لما قاموا يطلعون لنا هالاشكال ..
الله يحمينا منهم
و الحكومه باخر موقف ما قصرت وقفه وقفه جاده و ردت هيبه القانون الي كانت منعدمه
و ان شاء الله ايكون اول طريق الاصلاح الاحداث الي صارت
ان ياتي متاخر خير من ان لا ياتي ابدا
دمت متابع دائم لمدونتي :)
bo-tariq
---------
لا موخوش خبر
شبنشوف بعد
عنصريه
قبليه
طائفيه
ولاء الاحزاب خارجيه
و يا ألبي لا تحزن
ان شاء الله اتكون في صحوه حكوميه قادمه .. الانه الاوضاع كلش ما تبشر
فتى الجبل
----------
فعلا الناس عموما تعوده على كسر القانون
ماصار للقانون هيبه للاسف
و احنا بالعكس انقدر جهود لحكومه الاخيره و نشد على ايدها
ودنا انه ترجع هيبه القانون و كل من يوقف عن حد
شرط انه القانون يمشي على الكل
charisma
---------
شفتي شلون :(
والله ليلتها مت من الحره
و لازلت والله
محتره انه بنت بهالعمر حذي تفكيرها هذي باجر شلون بتربي اجيال و على شنو بتربيهم :/
و الي قاعد يصير الحين هذا انكشاف لوجود الحقائق
قاموا يطلعون على حقيقتهم عقب ما تمكنوا و درسوا الوضع
سواء كانت ولاءات قبليه .. طائفيه.. او حزبيه
الله يهديهم لنفسهم و ديرتهم
و يحفظنا من شرهم و شر افكارهم
5roofa
-------
والله مادري شصاير
و الموروثات الاجتماعه صعب اطيح من الراس
بالعكس كل ما كبر الشخص تكبر معاه :(
ولد الديره
------------
الموروث الاجتماعي و التعصب القبلي
وعدم وجود هيبه للقانون ..
كلها اشياء تخلق هالبيئه
جاره القمر
-----------
مساء الطيبه :)
متنكره ما عرفتج
خوش نيو لوك
فعلا بنهايه الحوار توصلت لهانتيجه
اهي وحده ماتبي تسمع الا الي يرضي توجها و قناعتها
المشكله انه هذا كلامها و اهي سفيه باجر لي كبرت و تاصل فيها التعصب شبتقول .. :x
جاره القمر ..
الكبار الي لهم خبره ترى كانوا يهال قبل بس كانت هالافكار مغوسه بعقولهم و شايلينها بقلوبهم
عشان جذي احتريت الانه ماردها بتكبر و بتربي جيل منيل
و سلامتنا من الحره :)
selezya
--------
حي الله القاطعه
انتي وين اختفيتي
ما يسوى علينا هالدراسه
انزين زورينا كل سنه مره
حرام تنسينا بالمره :)
ماقدر عليهم القانون بنقدر عليهم احنا :)
mantovani
----------
حياك الله اخوي :)
المشكله انها مو مدعوه م هذا دفاعها
لو يدعونها ولا يخلوها تشرف على الفرعيات
تروالي جان بدعت
عشان جذي النقاش معاهم عقيم
الانه مجرد دفاع عن موروثات اجتماعيه و عادات تربوا عليها
وشاكره مرورك الكريم :)
vancouver
-----------
هذيل الي يحرون
يعني 20 سنه من خير الكويت
ما فاد فيها
ولا خلى للكويت مكانه بقلبها
شما قال شيخ القبيله قالوا وراه
ما ننطر منهم شي للاسف
بس عسى ربي يحمينا منهم
و يكفينا شرهم
بصراحة أنا إلى جانب حبي للكويت أحب نادي برشلونة
و سالفة السياسة المحلية غسلت إيدي منها بسبب إنها بربسة و متروسة زعاطيط همجية
الخيلاء
تحية طيبة
المشكلة اكبر من جذي
المشكلة ان الحريم ما يشاركون بالفرعيات
قوليلها لا اتدافعين عن شي انتي مالج فيه لا ناقة و لا جمل
مانتوفاني
عتيج الصوف
-----------
هاردلك على الخساره مه ريال بتيس :)
عسى مايطلعون من الدوري :/
و الي صار ماله علاقه بسياسه .. هذا ولاء
ياربي اشل
ون ما يصير فيهو ولاء و غاريه على ديره تربوا فيها و كلوا من خيرها
mantovani
-----------
اهي ادافع عن شي متاصل بنفسها
بغض النظر اذا كانت تملك حق المشاركه من عدمه
اهي ادافع عن هالشي الانه كل مجتمعها يدافع عنه
و لو تشارك على الاقل يمكن اتعرف مساوء الفرعيات و اتسائل بينها و بين روحها و ممكن توصل لنتيجه
بس اهي مجرد متلقيه اتلقى الكلام والمطلوب منها اتردده و ادافع عنه بتعصب بعد ..
السلام عليكم
اختي هذه الكويت صل على النبي
خليها على الله هذا بالجامعه عيل اشلون لما تتوظفين واتشوفين بلاوي اكثر
الديرها مالها الا اهلها وبس اما الدايخين فا راح ياكلونها لما يخلصون منها ويروحون مكان ثاني
احنا انسوي اللي علينا وانحافظ عليها من هالاشكال والباقي على الله
لا اتضيقين خلقج ولا شيء لانج قاعدة اتشوفين الشين وخلي ببالج ان الكويت باقية ونحن الزائلون
يالخيلاء
هذيله الناس اللي المفروض يخلونج تستانسين وتحسين انج مميزه بحب الكويت
:)
مسا الوطنية يا بنت وطن النهار انتي
:*
رزقني ربي بعلاقات كثيرة من كل الموديلات يالله من فضلك
:Pp~
عشان نكون عادلين
ليس كل ابناء القبائل بذات التفكير الذي تفكر فيه صاحباتج
!
البعض منهم وطنتيهم تفوق ما لدينا بكثير،وان لزمو الصمت في داخلهم لاعتبارات اجتماعية فإان الكويت في داخلهم قبل كل شئ
ولكنهم يلتزمون الصمت ويمتنعون احيانا عن المناقشه ليبعدو انفسهم عن فقد من حولهم من ابناء قبيلتهم
!!
صديقتي الذكية
كل منا في داخله ولاء لعائلته
لقبيلته
لانتمائه
وأفكاره
هذا ليس بعيب
العيب ان تختلط علينا الأمور ونخلط في الأولويات فتكون الكويت اخر ولاء لنا
وهي التي لابد ان تكون ولائتنا الاول والاخير
مشكلة..ان يغيب البعض عقليا
ان يمشي بامور بالنسبه له مسلم فيها
فلا يناقش
ولا يفكر
ويعتقد ان كل من يكون ضده عدوه
تفتخر بعدم ولائها بالكويت؟
اذن
لما لا تقترحين عليها ان ترحل للمكان الذي تجد فيه ولاء اكثر
فديرتنا لا تحتاج لعديمي الولاء امثالها
someone_q8
-----------
هذي على قولت وحده تمارس سياسه الرعي الجائر
ياكلون الاخضر و اليابس و عقب ما يدمرون المكان .. يروحون يدورون غيره
ياريت تفهم اهي و ربعها انه نحن زائلون ياريت .. يمكن يتعدل تفكيرها شوي
العرزاله
---------
طول عمرنا حب الكويت يسري بعروقنا و نزهو فخر بكونا كويتين ..
انا معورني قلبي على شبابها و كونها توها صغيره جذي تفكيرها
استكانه
--------
يا مساء النعناع و الزعفران :)
شي اكيد يا استكانه
لو خليت خربت
و قبايل الكويت الاصيله اكيد انه حب الكويت يسري بشراينهم
لكن هالمتكوتين الجدد
و الامعات الي يغيبون عقولهم
و يستسلمون للعادات و مايكلفون روحهم يبحثون عن صحتها من عدمه
اهم الي يعور القلب
استكانه انا ما انكرت عليها حبها و تعصبها لقبيلتها هذي فطره بالانسان
لكني صعقت من كلامها انه مصلحه الكويت اولا كلام مأخوذ خيره
حرام يكون هذا تفكير بنت بالعشرينات
باجر بتربي جيل ..
ودي اشتغل بالابعاد .. ابعد كل من مايكن ولاء حق هالارض الطيبه
الله يهديها لنفسها و ديرتها
القبلية احسن من انة يكون ولائها ايرااااااني
عالاقل القبلية ولائها للخليج وعروجها مو برااااا
يعطيج العاافية
Post a Comment