CLICK HERE FOR BLOGGER TEMPLATES AND MYSPACE LAYOUTS »

Monday, June 23, 2008

صوغه

مساء الخير

عدت بعد فاصل امتد الاسبوع افتقدت فيه مدونتي و روادها بشده
فقد اصاب اختبار الادمان بانني ادمنت التدوين فكل موقف يمر بي اتمنى ان اوثقه بمدونتي

هذا البوست حافل بالصوايغ الي تستاهلونها :)

و مشكوورين و ماقصرتوا انكم حفظتوا مدونتي بغيابي
حتى سانتوس ما قصر متلقيني اول واحد مما اثار غيره البعض :P
بس بسال عن شـي عصافيري لورد الي يم الدريشه وين اراضيهم؟
ما اشوف احد ياب طاريهم بالتعليقات
ولا اشوف لهم اثر بمدونتي
كل مره اسمع تغريدهم و اشم ريحه الورد
يا ترى يا هل ترى ماتوا ؟

بخليكم مع الصور الي من خلالها بتعرفون وين كنت :)



بالحرم الفير احلى فتره احب منظر النور و اهو يشق عتمه الظلام .. احس انه الليل مهما طال بسواده و امتد و مهما كان حالك السواد .. لابد اي وقت و يلقى النور طريج بين هالظلام و يسري فيه بهدوء و رويه لحد ما يلغى الظلام و يحل محله

من اوقاتي المفضله القعده عالدري من عقب صلاه الفير لي الشروق


الحين اني حق الشق الثاني من الاسبوع :


وداخل الكرتون



^

^
هذا فيه سمبوسه مشويه و مقليه داخلها مكسرات

و الطويل الي بالنص داخله تمر و شي داخله حلوى

^

^

و هذا فيه درابيل داخله رهش و شي داخله حلوه

و علييكم بالعافيه

و لنا لقاء اخر بقاعده المغادرين ان شاء الله

23 comments:

darkness said...

الحمد لله على السلامه

و تقبل الله طاعتج

و فقدتتتتتتتتتتتتتتتتتتتتج

:)

الزين said...

تقبل الله طاعتج

وين صووووغتي

مسباح
ومضاعد
ومساوييج
وحنه
وملفع
ودراعه
ودرابيل بحرينية

هااااا

شوي بطرش لج السايق
دزيهم معاه

:**

بعد قلبي ولهنا عليج

5roofa said...

حمدااااااااااااالله على السلااااااااااامة

تو ما نورت الكويت

و تقبل الله يالغالية


مشكورة على الصوغه نسمي؟ و نمد ايدنا و لا ناطرين احد يقص الشريطه لوول؟؟؟

salamz sis...

قلب طفله said...

الحمدلله ع السلامه

و تقبل الله طاعتج

و بغيت اقولج محد تشيطن بغيابج

بس بوسانتوس ذبح طويراتج بتحفيز

من ولد الديره :P

نورتي مدونتج :)

الخيلاء said...

darkness
---------
الله يسلمج
:)

ما تفقدين غالي

:*


الزين
------
الله يتقبل منا و منكم صالح الاعمال

امممم
شوفي مسابيح و خواتم
و مساويج ماعندي
الصراحه ماروح السوق بمكه

اما الكرتون و الي فيه حلالج
و دراريع ماكو شي يختج تخدوا
البحرين كله مال اول و اثواب النشل

و السايق طرشيه يلا بسرعه بس لا طرشينه الضحى
تخترب الحلوى طرشيه العصاري

:p

الخيلاء said...

5roofa
--------
الله يسلمج
منوره باهلها

و اله يتقبل منا و منج

و افا عليج مديها و ضربي بالخمس
و الباجي حقهم بالفايت مو بالبايت


عليج بالعافيه

:)








قلب طفله
---------

الله يسلمج و منا و منج يارب

امممم
و انا اقول وين طويراتي
اثاري ولد الديره و سانتوس منتفينهم

و انا اشوف سانتوس مستقبلني بالمطار
اثاريه مذبح طيوري و منتف وردي

ميرسي على هيك خبريه

شكلهم بيلبدون لج بالعاير ديري بالج
:p

Anonymous said...

الحمدلله عالسلامة

وتقبل الله طاعتج

خووووش صوغة :)

Manal said...

الحمد لله على لاسمة

وتقبل الله ان شاء الله

ومشكورة على الصوغة

يهيهيه

شي والله

تسلمين
:)

Eng_Q8 said...

الحمدلله على السلامه وتقبل الله طاعتج

Mamloo7a Q8ia said...

الحمدلله على السلامه وتقبل الله طاعتج
ومشكوووره يالغاليه على الصوغه

esTeKaNa said...

حبيبة استكانة اشلونها؟
تقبل الله طاعتج
وحمدلله على السلامة
!!
مابين فتره وفتره
وكل ما زادت اللويه بحياتنا
نحتاج عمره
نحتاج احساسنا بالطمأنينه بقربها
واحساس الفجر على دري الحرم
ونسمات هالهوا الحلوة

صج عليج بالعافية
وايد استانست انج رايحة العمرة
ووايد استانست بروحة البحرين
وهالحلوى
!!
انتي بس لاحظي انتي رايحة العمرة وانا اللي مستانسه
hehehehehe
:*
الله يحفظج يارب
ويوسع صدرج دوم

فريج سعود said...

تقبل الله
بس ويين المتّااااااي ؟؟

ام الحفيز said...

الخيلاء
الحمدالله على السلامه وتقبل الله طاعتج ....ومشكوره على الصوايغ ياختج ترى احنا مو ناقصين كلريزززز بروحنا طالعين عرض اللهم يا كافي ...لو ما دراريع قرضت العافيه جااااان اعلوم
اللمهم عساج دعيتي للغاليه الكويت واهلها....الصراحه فقدناج يا الغاليه

الخيلاء said...

محسد
-----
الله يسلمك
ماتقصر

تستاهلون احسن منها

:)









manalq8
--------
منا و منج

تستاهلوون
اهم شي انها تعجبكم

عاد شلون الطعم عسى ياز لج

الخيلاء said...

eng_q8
-------
الله يسلمك

:)







mamloo7a q8ia
--------------
منا و منج صالح الاعمال

عاد اجاتي الايتكسر بالطياره
اشوه وصل صاغ سليم

:)

الخيلاء said...
This comment has been removed by the author.
الخيلاء said...

estekana
---------
هلا بالطش و الرش
:)
شخباارج

يا بعد عمري
انا والله الي استمتع بردج
:)


فعلا كل ما خذتنا الحياه و انشغلنا
نحتاج عمره انجدد فيها طاقاتنا الروحيه

انا و انتي واحد عشان جذي اذا انا رحت جنه انتي الي رايحه

عسى ربي يتقبل منا

و الحلوى للحلوين
:)













فريج سعود
-----------
منا و منك
امممم

المتاي انا ما احبه
و عشان جذي ما يطرى علي اشتريه

المره اليايه ان شاء الله

:)







ام الحفيز
----------
الله يسلمج ما قصرتي

ادري والله مو ناقصين ولا عاد الحلوه
كالوريز مركز لول

يختج لا قرضه العافيه ولا شي
دراريعهم كلها الي فوقها اثواب النشل
مادري شفيهم تخدوا البحرينين
حتى سوقهم القديم هدوه
ماعاد فيه ذيك المحلات الزينه

و اكييد الكويت و اهلها بقلبي
اذا مافينا خير للديره مافينا خير حق احد

لاتوصين حريص

و عساج ماتفقدين غالي
:*

مدونة حقائق وعجائب و بقايا عطر said...

عمره مقبوووله عزيزتي

بس وين الهداااياا

*ـ^

تقبلي مروري

Lavender said...

الــــحمد الله على السلامة :***

و تقبل الله طاعتج :))

عمره مقبوله انشاالله



و مشكوووووووووووووووورة على الصوايغ

سمبوسة مشوية

ودرابيــــــــــــل بالرهش !


رااااااااااااااااااااااح الرجيـــــــــم هاهاهاهاهاهاهاهاها

:*

charisma said...

وااى كش شعر ينبى
اول شى الحمدالله على سلامتج وتقبل الله طاعتج عسى دعيتيلنا بس
:))

الله يهنيج ويرزقنا عمره
هالمكان ما ينمل منه سبحان الله
وانا بعد مثلج احب قعده الدراى ورا صلاة الفير واجابلين الكعبه
واو شعور ما ينوصف
قران وركعتين واتشوفين شروق الشمس
احلى منظر شروق هناك

وحلوة البحرين عجييبه
عوافى
خووش صووغه
:)

lawyer said...

jتباااااااااااارك الرحمن

رححتي العمرررررررره ماشاء الله

تقببببببببببل الله طاعتج و عمره مقبوووووووله

عسى ربي يستجيب كل دعااائج و يعطيج اكثر مما تتمنين يارب

alwani said...

جعل الله أيامك كلها طاعة

مدونة رائعة و أسلوبك متميز ما شاء الله

بالقرب دائماً
ألوآني

Saudi Romantic said...

ألسلام عليكم


اولاً الحمدلله على السلامه

بما انك كنت في مكه المكرمه


انا ابي اضيف لك صورتين للحرم المكي

الشريف وان شاء الله تعجبكم

وهذي الروابط للصور


الصوره الاولى

http://up3.m5zn.com/get-7-2008-dg2gxcwpuse.jpg

الصوره الثانيه

http://up3.m5zn.com/get-7-2008-z8kn80fk64c.jpg

مدونتكم جميله

في امان الله