CLICK HERE FOR BLOGGER TEMPLATES AND MYSPACE LAYOUTS »

Tuesday, November 4, 2008

قطيوه

هالاسبوع كان عندنا اكشن بالدوام
و كل يوم اجتماع والمشكله انه كله ملزم الحضور
مع انه انا و الي معاي بالمكتب مالنا لا ناقه ولا جمل
شكلهم يبون القاعه اتكون متروسه
:)
وطبعا لازم صراخ و نجره
و نطلع ماستفدنا شي
مع انه الجو كلش مو مال صيحه و لويه
:
:
عندنا منتدب بالدوام
الي يشوفه يقول هذا خوش ريال
ملتزم و غتره بدون عقال
ذاك اليوم الي معاي بالمكتب
اتقولي الخيلاء اتعرفين فلان
اي شفيه
جان اتقول اتصدقين مايستحي على ويهه
تخيلي داخله عليه المكتب يقولي هلا بالزين
ولا نزل عيونه والله شكيت بروحي
الله يهديه المفروض يحترم الفكر
و المظهر الي متبنيه
هذا ما يمنع انه في ملتزمين
سنع و اخلاق و رقي بالتعامل
و اربع و عشرين ساعه
المسواج بحلجه
يتسوج و يتفل تكرمون
سوري يعني بس عشان اتخيلون معاي
صج انه المسواج سنه عن الرسول صلى الله عليه و سلم
بس مو جذي له آداب و له اوقات
مو واحنا نشرح له الشغل و اهو يتسوج
و المشكله اني صرت مسؤوله عنه
الانه الي معاي باجازه
:"(
و كل ورقه يبينا نوقف على راسه
على قولته " حيث انها خبره لا افقها"
انزين و شغلي بالله منو بيسويه
:
:
اليوم كفختني نسمه هوا بارده
و انا طالعه من الدوام
جان اتخذ قرار اني اخذ اجازه دراسيه
مع انه دوامي زين وو ماشيه بدراستي الحمد الله
و كنت شايله هالفكره من بالي
بس مادري ليش طرت علي اليوم
و اعجبتني
:
:
و انا راده البيت قبل جم يوم
ولا فيه قطيوه صغيرونه
حاجزه الشارع تلعب مع الحمامه
الحمامه تطمر من مكان لي مكان
وهذي تلحقها ولا جنها بالشارع
عاد اشوه انه الشارع خالي
وقفت و خليتها تلعب ليما طارت
الحمامه على الرصيف و ركبت معاها
الا بتصيدها اتشوق
سبحان الله جنها ياهل
اغرقت باللعب و نست انها بالشارع
لو ياي واحد مطيور جان هرسها اهي
و الحمامه الي تلعب معاها
:
:
شــتــي يــا دنــيــا تــا يــزيــد
مـــوســمــنا و يــحــلــــى
:)

17 comments:

Eng_Q8 said...

المظهر الخارجي لا يدل على الجوهر

--

شكو الجو بالاجاازه :))

--

اليوم داعم حمامه :p

someone_q8 said...

السلام عليكم
لايغرك المظهر اذا كان الجوهر فارغ
والمفروض زمليتج اتسمعه جم كلمة بالعظم وبدون مجاملة عشان يستحي على دمه

الجو مال كافيه وعالبحر

ولد الديرة said...

ذكرت احمد مظهر

charisma said...

صباااح الفل

لووووووووووووووول يقول هلا بالزيين
:))) صدقينى مو منه من الجوو كاافخ برااسه

واذا على المظهر فابدااا لا تحكمين على احد من مظهرا ابداااااااااا
انا مرت على اشكاال غريبه عجيبه
دينه ومنقبه السلام ما اتسلم ونفس شينه اللهم يا كافى
فاعادى يا الخيلاء

وعلى القطييوه زين ما كلت الحماامه
شهالحمامه اللانتحاريه
;p

وما الومج انا اليوم الصبح اقول الجو مو مال سجن الدواام واتصلت على ربعى قتلهم الغداا برااا اليووم بالهواء الطلق

:**

Kuwait said...

لووووووووووووووووووووووووول ..
اهم شي ان يتسوج ويتفل :\
وععععععععععع
@@ وليش ما خذيتيها من زمان يوم انج قاعده تكملين دراسج صج ماعندج سالفه ;p
ويح قلبي قطووووووووه بعد :\
ياشين القطاوووووووووووه
وكل يوم اشوف قطاوه مهروسين بالشارع :\

ميرامار said...

وايد ناس مثل القطيوة والحمامة
ما يحسون الا بعد ما ينهرسون!!


ما حبيته هذا بو مسواك
الله يعينكم

Hot Chocolate said...

على كل إنسان أن يضع خطوطا حمراء في حياته يعلمها للآخرين حتى لا يتم التطاول و التصرف بشكل لا يعجبنا
يمكنكم إفهام زميلكم أن كل شخص موكل لأداء عمل معين وليس من أولوياتكم قضاء الوقت كله في شرح ما تقومون به
و إنما التعلم يحتاج إلى وقت .. وكل الأمور ستتضح مع الأيام

تخيلت أمامي مشهد القطة وهي تلعب مع الحمامة .. جميل جدا عندما وقفتي تتأملين هذه المشاهد

الحر بدأ يغادرنا .. و البرد يختال رويدا رويدا ليطل علينا
أنتظر الشتاء لما يحمله من جو ممتع يستحق التصوير و قضاء وقت رائع

Peace said...

قطيوه و حمامه
و قساوة مطيور

darkness said...

وااااي قطيعه

الله يعينج

انا عندي واحد ياكل اظافيره و يتفل

وووووووووع


جد وع


الله يرفع عنا هالمصايب

:(


حاسه فيج بعد قلبي انتي

Mamloo7a Q8ia said...

ابتلشتي فيهم هالدوام ؟!!؟
اجتماعات بدون نتايج مع الاسف


هذا نموذج للمتأسلمين الجدد اللي مايعرفون من الاسلام الا المظهر والمسواك مع الاسف الشديد
الله يعينج عليه
والله يعينه على نفسه


وشتي يا دنيا حب وخير على الجميع

7osen said...

بوست حلوو
وطبيعي واايد

تخيلت شكل الحمامة والقطوة

:)

bastokka طهقانة said...

تحياتي لنصك المميز


الازدواجية هي مرض العرب العضال
اسال الله ان نجد له علاج

تحياتي

Najmah said...

مع ان فيني عقدة
من القطاوة
بس تشوقت اشوفهم
:))

تدرين
على السالفة الاولى
قبل يومين صارلي موقف وصج صج ضايقني
كنت رايحة مع رفيجتي دار الشفا
وتعرفين الاصنصيرات هناك شلون زحمة
المهم كنا بالاصنصير ومعانا ريالين و3 بنات
يعني حدنا اللي متقلقصين :)
المهم واحنا نازلين وقف بأحد الادوار وانفتح
ولا واحد شكله ملتزم ولحية ومعاه بنته
وشافنا ماشاءالله مالين المكان
تخيلي جان يدخل بيننا ويقولها تعالي ويدخلها
!!!
وييييييين؟ تعرفين اللي انا قلبي يرقع
والله حسيت اني تيبست
ومرت الثواني ساعات على مانزلنا
طلعت وانا منصدمة وضايق صدري
طبيعي لو انسان عادي ماننكر عليه كثر انكارنا على شخص ملتزم
لأن الدين يرقى بصاحبه
لأن الدين اخلاص وتعامل وحياااء
ولأن الانسان الملتزم بموضع قدوة
بس يبقى لكل قاعدة شواذ
ربي يصلح الجميع ان شاءالله
:)

JiBLa CiTY said...

تذكرت بوعمارة ليش مادري
...

مسواك مين والناس نايمين

:)


www.jiblacity.tk

الزين said...

ترى كلش ماله شغل المظهر بالسلوك

......


والإجازة هالأيام حلوة

تعطيج المجال انج تستمتعين بالجو الصبح

.......


ويازززززززين القطيوة




:)

سدرة العشـــاق said...

عندنا من هالنمونه وايد الله يهديهم على بالهم الديانه بس صلاة و صيام ما جنه الدين معاملة

---

اي والله يبيله اجازة تريحين شوية و تمشين بهالجو الحلو ماشاء الله

---

قطيوه وي يمه جان شفتيني اطامر بمكاني حدي خوافة بس دامج قاعدة داخل السيارة عادي

: )

اجار الدين كشمش said...

الله يهديييج

هذوووله مووو ملووت

غشمره ولا تبسم ..كلش كلش

جان طيرتي عليه عيووونج

حتى يحس ويخجل

حطي بالج منهم ماينعطووون ويه !!!1

المسواج والدشداشه القصير والغتره الصفره من الوصخ

موووو تواضع او زاااهد

لا لا لا هذا اغلبهم

قلبهم سياسي بس شكلهم التطوع
طبعا مو كلهم خذي بالج ولكن يبينووون بسرعه

فمالله