مساء الخير على الكل
فقدت مدونتي ومتابعيني من غير شر
بس للظروف احكام
:
:
الفتره الي فاتت كانت فتره لازمني فيها الخداي بشكل كبير
و السبب الاساسي انه بالي مشغول دايما
:
1
مره من المرات كنت رايحه مشوار الصبح
و الشارع ماشي و الاشاره خضره
قرر عقلي الباطن بكيفه انه الاشاره حمره
يوم يه دوري عشان اطوف
قمت لزمت بريك و قفت انطر الاشاره تفتح مره ثانيه
مع العلم انها خضره و ربي ستر انه الي وراي مو دايس جان انا بخبر كان
تبون الصج والله فتشلت منه
حسيته بيقول هذي شلون مهيتينها بالشارع بروحها
والي يضحك اني قاعده اتحلطم بروحي
يوم صار دوري طفت الاشاره
:
:
2
قبل فتره يانا كرتون صوغه من البحرين
ملزقين عليه قابل للكسر و الاستكرزات ملوت المطار
ذاك اليوم و انا ماره صوب الكرتون
جان اشوف العباره الي مكتوبه على الكرتون
مصلى السوق
ياربي شنو مصلى السوق
احد ايب صوغه بكرتون مال مصلى السوق
وخزياه لو انا والله ماوديت حق الاوادم صوغه
بكرتون مال مصلى السوق
و اول مره بحياتي اشوف مصلى يبيعون فيه
حتى المسايد ماصار لها احترام
كل هالتحلطم ترى بيني و بين انا
ولا بمره امي جان اقولها
يمه الحين مو عيب ايب لنا صوغه بكرتون مصلى السوق
طبعا امي ابتهرت اي صوغه
قلت لها صوغه البحرين
اهي ماتت من الضحك اتقولي خلف الله عليج
مكتوب على الكرتون
"مصنع الشروق"
شلون شفتيها مصلى السوق
طبعا انا لا تعليق
فجأه صارت النقاط و الاحرف الضايعه
واضحه وضوح الشمس
وين عيني عنها قبل لا اتحلطم و انقل تحلطمي حق امي
:
طبعا هذا فيض من غيض بس عشان ما يخترب برستيجي
اتحفتكم بهالموقفين
:)
8 comments:
لووووووووووووووول
اشرايج بالي واقفه ربع ساعه تنطر الي بالموقف يطلع عشان تصفط بداله ومعطلـه خلق الله وراها طابور لما الشارع العام وبالأخير أثاري الريال وصل بيتهم وانا للحين أطالع السياره الي يمـه وانطرها تطلع ما فطنت ان الموقف الي انا ناطرته أساسا اهو الفاضي :\
كثري من الزعتر
وخففي من الجبن
هذا دواج وعلى الله شفاج
ههههههههههههههههههههههه
ما اصدق بدعتي
شلتي كل الزوايد اللي على الحروق
نقطه
همزة
ما يشمي عندج
:**
يا زينج زيناه
ههههههههههههههههههه
امبيه اسم الله عليج
شالسالفه
ديري بالج على عمرج
لا تسوقين العمر مش بعزئه
؟؟
لووووووووول
ما عليه تحدث باحسن العائلاااااات
ترا ماكو الا العافيه
نامى بالليل زين ....تحتاجين راحه
(:
حط بالج على عمرج ترا صرنا نحاتيج
kuwait
-------
لوووووووووووول
لا عاد انا ما وصلت هالمرحله من الابداع
:)
فريج سعود
----------
خلاص ان شاء الله بتبع نصيحتك
بس اذا تدهورت حالتي انت المسؤول
:)
الزين
-----
يس يس ماي دير
ما اقولكم حالتي مستعصيه
لول
darkness
---------
هههه
انتي بتاولي فيها
ترى هالسالفه ماقلتها الا لكم
لو امي تدري جان من باجر السايق يوديني و ايبني
:)
بنت الشاميه
------------
هلا يالغاليه
:)
لا الحمد الله سمعت نصيحه فريج سعود
جنه خفت الحاله
Post a Comment