CLICK HERE FOR BLOGGER TEMPLATES AND MYSPACE LAYOUTS »

Thursday, March 26, 2009

انا و صبري

اقف على اعتاب منزلنا العامر

قاب قوسين من باب الجراج


لياتيني اتصال من زميلتي بالعمل


الخيلاء وينج؟


عند بيتنا .. في شي


تباغتني بمقدمه اعلم نهايتها ستكون عودتي لدوام

:D


تذكرين صبري


لايكون المنتدب اليديد الي عصب عليج ذاك اليوم و مشى


اي اهو الحين اتصل علي ياي بالدرب

وانا بالقسيمه مجابله العمال

تحت الشمس الحاموته

عفيه روحيله بدالي

مالنا خلق الويه


حرام عليج توني واصله البيت ومستانسه


اتصل على والدتي ابلغها اني عند الجراج وبرجع الدوام مره ثانيه


لتجيبني بعد عمري


عاد مو يتعود لكم هالصبري اي لكم على فراغته

مو مشكلتكم اذا يشتغل الف شغله وماعنده وقت فراغ


هالاخ شنو مشكلته قبل فتره كان ياي لزميلتي و كان عندها اجتماع

قالتله انطرني لما اخلص اعلمك على الي تبيه

الاخ مانطر و عصب عليها


انا جي دلوئتي و سيب اشغالي


يعني احنا ماعندنا شغل ترى بس مسيو صبري


عاد زميلتي طلعت له الويه الثاني

وحصل نزره على الخفيف و على اثرها

شاش عليها مشى وخلاها


هالمره يه على حظي


المهم رحت و نحكر بالزحمه ساعه وربع على ماوصلت له

ومايحتاج اقولكم انه رعى قلبي بالتلفزونات


حضرتك جايه

انا مستنيك عند ام فلان

و تلفونات ماتخلص


المهم وصلت و تعوذت من بليس و قلت اني بطوف و بكون صبوره معاه


الي صار انه يوم بديت اعلمه

كل كلمه و الثانيه قالي


انا عارف

اه هوه ده مش بيتعمل كده


طبعا انا صج عصبت


يعني قلبه شكبره و يعرف كل شي

عيل هالحنه و السوالف المالقه ليش


الانه تقيم المنتدبين عندي انا و زميلتي

قبل لا يجددون لهم لازم احنا نعطي ملاحظاتنا و اذا

يستاهل او لا الانه احنا الي انعاني معاهم


والاخ عباله قاعدين بجامعه بيورينا انه يعرف

وانا الفلته الخطير


يوم شفت جذي جان اقوله


عيل شنو الي ماتعرفه

هذا كل الشغل المطلوب


اصلي كنت عاوز اتاكد


اذبحه هذا


ومن عقبها قلت حق زميلتي ترى اي تلفون ماراح ارد عليه

بحقره عشان يعرف شلون يتاكد


ضيع علي الوقت الاخ على ربع ساعه جابلني فيها يستعرض مهاراته


ومن ذاك اليوم لي اليوم ماشفته ولا سمعت صوته

اقول حق زميلتي

شكله كش مني


اتقولي الا اكيد جان عطيتيه خزه من خزاتج الي ترتعد لها الفرائض

لول



الصراحه انا مو جذي و على طول ارد عليهم و حت بالتلفون اعلمهم

وتمشي الامور الانهم اغلبهم ايون العصر فيحاتجون توجيه

بس عاد موجذي حتى احنا لنا طاقه


Happy Weekend

:)




4 comments:

Kuwait said...

من قلب الله يعيييينكم .. :\
انا بمجرد ما اطلع من دوامي لو يقعدون يتصلون من اليوم لما باجر والله لو يطلعون لي من التلفون ويقولون ردي الدوام فلا أرجع عاد اخ صبري أخ نطري ماتفرق معاي حتى لو المديره بكبره لوووووووول ;p

فريج سعود said...

تبين دورة بالمصريين

انا حاضر

بنت الشاميه said...

الله يصبركم وويوسع صدوركم
الوحده ما تصدق تطلع من الدواااام
هالمره ترد له مره ثانيه
نصيحتى حمري عيونج عليه ويخااااف منج
لووووووول

الخيلاء said...

كويت

شفتي .. مجبوره ارد
شغلي بس العاده انخليهم ايون
وقت الدوام هذا تسلط علينا

هههه ضحكتيني على نطري









فريج سعود
----------

احتاج دكتوراه اذا متوفر

:)

ماتقصر نخدمك بالمواقف













بنت الشاميه
------------
لاتوصين خزيته خزتي العحيبه
وذاك يوم و هذا يوم ماسمعت حسه
مادري طلع مادري هون عن الانتداب مادري شصار فيه

لول