CLICK HERE FOR BLOGGER TEMPLATES AND MYSPACE LAYOUTS »

Wednesday, May 27, 2009

رفرف يا علم بلادي

العلم هو رمز للدول و مصدر فخر لشعبها
في كل دو ل العامل يولون ماكنه خاصه للعلم
يحرصون على نظافته و على انه يكون دوم زاهي بالوانه
بس للاسف هالشي مانشوفه عندنا بالكويت الا في شهر فبراير
يحز بالنفس لما انشوف علم الكويت يرفرف على وزاره و غباره نصه
و لوانه رايحه ما يبين الاحمر من الاخضر
حتى على المدارس و الهيئات محطات البانزين
لازم وزاره الاعلام يكون لها دور بمراقبه الجهات الي ترفع العلم اما انهم يرفعونه بشكل يليق فيه
او لا يرفعونه بهالشكل هذا رمز لدولتنا لازم يكون له قيمه و يرفرف بجمال و وقار
اغلب الاعلام الي انشوفها ما نقدر حتى نطلق عليها لقب علم
تعتبر اشباه اعلام
الي طاير يرفرف بثلاث الوان
ساعات انشوف مجموعه من الخيوط اترفرف
قبل كنت احتر و اسكت هالايام من اشوف علم شكله ما ايوز لي على طول اكلم المسؤول
وقبل فتره شرت خالتي شرت علم ودته حق مخفر منطقتنا مع السايق و اتصلت عليهم قالت لهم
جم كلمه و عقب قالت لهم ترى طرشت لكم علم مع السايق حطوه بدال علمكم المشقق
و صج من باجر الصبح و انا رايحه الدوام ولا العلم اليديد ماخذ مكان العلم القديم الي يفشل
خلونا كلنا نتكلم لي شفنا اشباه الاعلام و نطالب بعلم الكويت بالوانه الزاهيه
و بصورته الرسميه لا مقلوب ولا مقصوص
و اليوم و انا يايه من الدوام مريت اصب بانزين ولا نفس الشي العلم يفشل عاد ناديت المسؤول و قلت له
قالي اصلنا حنغيروه النهارده
عاد باجر بمر و اشوف غيره ولا لا
:)

5 comments:

Manal said...

يا حلو علمنا

لي رفرف

بالسما العالي

:)

سدرة العشـــاق said...

السلام

اي والله صاجة العلم مصدر فخر
الله يعز علمنا و ديرتنا و اهلها

و كفو والله خالتج زين سوت
الله يعطيها و يعطيج العافية

: )

charisma said...

صااجه والله يكثر من امثالكم
فعلا ما يهتمون فيه ولا ينرز الا بالعيد الوطنى وبعد العيد الوطنى يختفى ما نشوفه الا ما ندر

ان شاءالله تكونين بخير يالخيلاء
:)

الخيلاء said...

manal
------
حياج الله
وين هالغيبه
:)









سدره العشاق
------------

هذا واجبنا و المفروض الكل
مايسكت عن الغلط كابالك لو كان هالشي يمس رمز ديرتنا ال يننتشي فخر و عزه لما انشوفه يرفرف

لج وحشه :)






charisma
---------
انا بخير الحمد الله

انتي وين غاطه فقدناج و فقدنا قصايدج المنتقاه
:)

Manal said...

بهالدنيا يالغالية

بس انتو على البال
وزحمة الدنيا
ماخذتنا عن التعليق

المتابعة موجودة حبيبتي

واسمحيلنا على التقصير

:)