شخباركم كلكم قراء و متابعين .. فقدكم من غير شر بهالاسبوع بس كنت متابعه من بعيد لي بعيد الانه أسبوع حافل و بقولكم مقتطفات منه
بلوقرز
-------
هالاسبوع كان عندي معاملات بالوزارات و البنوك
كل ما قعدت جبال موظف ولا موظفه طرى علي هالطاري
ممكن إلي أكون قاعده جبالهم بلوقر يعلقون عندي و علق عندهم
من غير ما نعرف بعض.. يمكن هذا فلان و يمكن هذي فلانه
اكثر وحده اتهيا لي بكل مكان استكانه لول
مادري ليش بس هالبنت لها معزه بقلبي مع إني ما اعرفها إلا من البلوق
ما اتراودكم هالافكار ؟
زائر الليل
--------
في الليلة الظلماء و كعادتها الخيلاء
قاعده بداري و مجابله الاب توب
و فجاه اسمع صوت تخرخش صوب باب المطبخ
تعوذت من بليس و كملت شغلي ولا زال التخرخش مستمر
اتكلت على الله و قررت اتبع مصدر الصوت و إنا قلبي بربعه
خاصة انه كل البيت نايمين و الشباب سروا
يعني الصوت مو صادر من أي فرد اعرفه لول
و اتبع الصوت ليما وصلت للمصدر الا و هم
بطات اختي 2 متنقصتهم لها بنت خالتي
و أمي قايله للخدم دخلوهم داخل عباله يركبونهم عندنا
بس من عقبها قاموا يحطونهم بالمطبخ إلي تحت
ماسوا علي الرعب إلي عشته :")
و عليه بالعافيه
الحمد الله هالاسبوع ربي سبحانه من علينا من فضله و عمي طلع من المستشفى خالي من أي اثر للمرض
من بعد رحله استمر جم شهر للعلاج من المرض الشين إلي صار مستشري عندنا بصوره فضيعه
كل بيت صار فيه حاله الله يكافينا وياكم الشر ولا يروعنا على حبايبنا
ويقر عين ابوي و اهلي بشوفته سالم غانم و يخليه ذخر لعياله يارب
و لجنه العلاج بالخارج دام عندها قرار من وزاره الصحة بتوصية من مجلس الوزراء
ليش ما يسهلون على مرضى السرطان كافي الحالة النفسية إلي يعيشونها أهل
المريض مز ناقص لجنه بكل برود ترد عليهم ما يستاهل العلاج .. مو كل الناس عندها فلوس أتعالج على حسابها
حرام ترى هذيل أحق ناس بالعلاج بالخارج دام مستشفاكم ما يستوعب هالا عداد
امتحانات
---------
آخر الشهر عندي امتحانات لا تنسوني من دعواتكم
الله يفتح علي صايره خواره جني أول مره ادرس
و الدكتورة الله يصلحها بعد عافسه الاولي على التالي و نقعد انلقط المعلومات
من كل دراسة جزء غير النوت .. بس هانت ان شاء الله كلها اسبوعين و نرتاح :)
وهذا ما في جعبتي اليوم :)
29 comments:
(1)
يااااا بعد قليبي انتي
:**
تصدقين انا عندي احساس البلوقرز اعرفهم
!!
واذا ما عرفتهم بيعرفوني
اسولف نفس سوالفي بالبلوق
واسلوبي نفسه
واحس مكتوب على خدي استكانة
لووووول
واي لا تشوفين ويهي الضحكة من هني لي هني
الله اعلم يا الخيلاء ترا القلوب شواهد
وما تدرين الكويت هالكبر
يمكن ربج يكتب نعرف بعض بعدين
:**
(2)
واي لا تقولين لي ان هالبطات واصلين لي دارج؟
انا لو فاجة الباب بنص الليل ولاقيه بط
يمكن يوقف قلبي
لوووول
ويا زين اخيتج ونقصه بنت خالتج
فناتق
:pP~
(3)
يا عسى الرحمن يحفظ لج اخوج ولا يحرمج منه
انا عندي اخوين
واحد سهاله رب العالمين فيه
لو تلبسن فله وتطلعين
ينهبر
ويبقق عيونه:
الله استكانة شنو هذا
حلو
!!
واذا خذيته معاي السوق اينني مو طويل بال ابد
وخايفه صراحة بالمستقبل تكون عروسته نوعها ملافع اشكال والوان وتراجي
احس موديله جذي
:pP~
والثاني تبارك الرحمن عساره الكون فيه
بس ذويق
هذا احبه بالسوق
يختج ذويق
يخليني اقايس كل شي
وحركات
روحي بعيد
تعالي قريب
فري فرتين
اي اوكي زين
:Pp~
(3)
الحمدلله على سلامته
اله يشافيه يارب ويشافي كل مرضى المسلمين
كلام يعور القلب
وواقع مبكي
:(
(4)
شدي حيلج يا الغاليه
وعلى خطاكي نسير
انتم السابقون ونحن اللاحقون
وايد احاتي اني اكون بمرحله مالي خلق دراسه...بس قلت حاصله لي فرصه
ولابد استغلها
:)
واي جامعه
سر سر
وين ايميلج الحين ادز لج ايميل
ويبقى سر
:**
ياربي مادري اشفيني قرقت وايد
بس ولهانه عليج
:**
اكيد مو انا الموظف اللي جبالج
انا في القطاع الخاص وبإجازة حاليا :)
بصراحة انا اشوف البنات اهم اللي اختيارات صعبة بالتسوق وما يعجبهم اي شي
الحمدلله على سلامة عمج وما يشوف شر
عسى الله يوفقج
ولم تترك الخيلاء سوقا..الا وانهته فرارةً
ليش أسأل إذا كانوا فارين الشاشة على بلوقاتهم
**بلوقرز**
حلو جذيه وين ماتروحين تفكرين هاذي تكون فلانه او هاذا فلان
**زائر الليل**
بط سهران يحليله ههههههههههه
**تسوق بصحبه رجل**
ينقسمون اخواني بين اللي يحب التسوق واللي ما يحب
لكن احد اذا رحت وياهم وقلت خل ارد على المحل الفلاني يقول ردينا لى طير يلي هههههههههههههه
**رحمه ربي**
الحمدالله على سلامته
**امتحانات**
قود لك
1
ابيييييييه حتى انااااا
لووول وايد صايره اتتييني هالحاله
ماتدرين يمكن
:P
2
لوووووووووول
تدرين لو انا شسويت
قفلت على روحي باب داري
:P
3
لووووووول
عسى ربي يخليه لج ويخليج له
:)
4
الحمدلله على سلامته
وعسى ربي يشفي كل مرضانا ومرضى المسلمين
5
الله يوفقج يالغاليه ويسهل عليج ويفتح عليج من اوسع ابوابه
:*
مساج الله بالخير يا الخيلاء
تصدقين ما افكر ان اللي جدامي بلوقر
ما ادري ليش؟
شايله هالفكره من راسي نهائيا
-------------------
و سالفة البطات
امبيه لو اقولج انا شصاير معاي مره
مره ايام السهر قبل الدوامات و الاتزام
كنت سهرانه بروحي بالصاله الفوقيه اللي يم غرف النوم
ما اسمع لج الا صووووت شي يصفق
@@
داركنس خافت قالت حراميه
شنو تتوقعين سويت؟؟
رحت جناحي قفلته على عمري
و لا طلعت اي صوت
يبون يبوقون خل يبوقون المهم انا
ثاني يوم الا لوحه طايحه و منهبده على الارض
ههههههههههههههه
-----------------------
و التسوق مع الرجال؟
عشانهم يعني
اشوه اخواني يثقون بذوقي
و بيني و بينج انا اعرف ذوقهم
يعني ما اتعب معاهم
:)
تتعودين
و تالي تبتلشين
توصلين الى مرحله يوصونج اذا انتي رايحه تشترين حق عمرج انج تدورين لهم
!!
--------------
الحمد لله على سلامته و ماجورين و ما يشوف شر
----------------
الله يوفقج و ينجحج و ينصرج
حرب مو دراسه
ههههههههه
الله يعينج على لوية الوزارات
واشوى مكاني مافي عملاء لوول عشان محد يصيدني
: )
----
بط ؟
خوش نقصة الله يحفظهم اختج و بنت خالتج و انتي وياهم
----
التسوق حلو معا حرمة او مع ريال لوول المهم اتسوق
بس صاجة مع الريال لها طعم بس واعليه يكسر خاطري لأن محد بشيل الاغراض غيره
: )
----
اللهم لك الحمد
الحمدلله على سلامته و أجر و عافية ان شاء الله
مايشوف شر و عسى الله يشافي مرضانا و مرضاكم و مرضى المسلمين يارب
----
عسى الله يوفقج ويسهل عليج ان شاء الله
حفظج الرحمن
: )
لوول اي تصدقين انا بعد اتخيلكم بكل مكاان
و كلة احاتي احد يعرفني تصدقين لانه انا فضيحه وايد اشيل معاي اشياء فيها خرفنا مدالية سيارتي ولا بوك
ولا مرات امي لي ما سمعتها تناديني
لوووووول عاد حات يا فضيحه
:p
-----
واااي صج رعب لوول لو انا جان اغما علي لوول
----
اييي واايد صعب بطيقه تذبح انا اخيو لمة يحوس على تي شيرت امووت
لانه يطلع ستين الف عله فيها شدعوة كلها تي شيرت و خل احنا نتاخر لووول يسوي فلم من ستعش جزء
:D
----
حمدالله على سلامته اي واله صاجه هالمرض منتشر بطريقه فضيعه بالديره
الله يكافينا و يكافيكم شره ياارب
----
موفقه يالغااالية الله يسهلها عليييج يارب
salamz sweetee....
صباح الورد
بلوقرز
-------
شكثرررر افكر بهالشي ان احتمال
اللي اصادفهم و اتعامل معاهم
احد من البلوقرز :)
زائر الليل
--------
لووووووول
اسم الله عليج شجاعه :P
بصحبه رجل
--------------
الحمدلله التسوق مع اخواني ممتع
لانهم يقتنعون بذوقي الا واحد هذا
كلش يطيرج من السوق و انتي توج
داخلته و لا يقتنع بشي
والله يخليكم لبعض :)
رحمه ربي
-----------
الحمدلله على سلامته و الله يشفيه
و يشفي مرضى المسلمين يارب
امتحانات
-----------
الله يوفقج و يسهل عليج كل صعب :)
انا عاطل عن العمل
ما يشوف شر الخال
:)
1- هالشعور انفقد بعد ما اغلب المدونين قاموا يعرفون بعضهم بالصج:) واقصد الشباب منهم ما ادري عن البنات
بط داخل البيت؟؟ :))
حدث الموسم
السلام
ها بشري شلون الامتحانات عسى خلصتي ؟
شدي حيلج و عسى الله يوفقج حبيبتي
: )
صباح الورد
حبيبتى والله
الله يشافى مرضاكم ان شاءالله وياجركم
ويسهل امرج ويوفقج يالخيلاء فى امتحاناتج
وسالفه البلوقير ههههه تصير بلى بس ناادر ما يطرى على بالى هالشى
وبينى وبينج ما افضل اعرف بلوقير شخصيا حلاتنه نتواصل بدون لا نعرف بعض
المتعه بهالشى صدقينى
:)
وموتينى ضحك على البطات يااا حلووهم
عاد انا غرامى البط وايد احب اوكل البط واجابلهم
شوفتهم اتفرح قلبى
:)))
figadnach
Good luck
:*
تسوق بصحبه رجل
عشان يدفع عنج :P
تصدقين اذا رحت اى مكان وخاصة المقاهى
اصفن بالناس ووزعهم على كيفى وكل واحد اعطيه اسم مدون .....الى ان اضحك على نفسى واقول ياحسرتى ينيت
لوووووول
وان شاء الله يشفى كل مريض
والله يوفقج ويعينج لى اداء امتحاناتج وييسر لج كل صعب ان شاء الله
فعلا الإسبوع اللي طاف كان حافل جدا و ملئ بالشغل
و أنا أيضا عندي لوية في أروقة الحكومة و مالي خلق كلش إن تعصلق معاي أي معامله لأني فعلا راح أتخذ قرار بالهجرة إذا إستمر حال موظفيين الحكومة بالكسل و الفوضوية
بس إجازة الخميس اللي طاف يت بوقتها
من غير شر
وينج؟
:(
ولهانه عليج
!!
estekana
---------
ههه
ان شاء الله
لي الشرف والله
لا مواصلين داري بس خرخشتهم بالمطبخ
لوول لو واصلين ابرك لي من الرعب الي عشته
ههه اي والله خوش نقصه غريبه
استكانه لوول انا سيم سيم
اثنين الله يحفظهم
واحد كشيخ وراعي ماركات
و الثاني عبالي عادي طلع ذوقه صعب
الله يحفظهم
اللهم امين يشفي مرضانا
ومرضى المسلمين
يلا ترى انطر الايميل ماوصلني شي
;p
اتغشمر معاج
محسد
-----
هذا اكيد مو باجازه
و انا داخله عليه قبل
نهايه الدوام ب5دقايق
لوول
احس دعى علي لين قال بس
الله امين
ماقصرت على هالدعوه
:)
فريج سعود
----------
لووول
والله ما افتريت كله الافنيوز
و ماخذيت الا ساعتين
وبعدين اهو يشتري انا مرافق
يعني مو الخيلاء
اخو الخيلاء
:)
fahad alaskar
--------------
لا ماتبين الشاشه
وناسه وين هذيل الي يفرون الشاشه
terkwaz
----------
ههه هذا يسمونه هوس لول
اي سهرانين مو متعلمين على المكان لوول
لووول اي اذا التسوق لنا مايتباصرون
بس اذا لهم حلو على قلبهم
الله يسلمج .. مشكوره على الدعوه
ميرسو على الدعوه
najmah
-------
اي هذا بدايه الهوس
حالتنا صعبه
:)
اشدعوه نجمه
ترى انا استكشف وقلبي بربعه
بس اشوه انها بطه مو شي ثاني
;p
امين ويخليلج حبايبج
امين يارب
الله يشفي مرضى المسلمين
امين يانجمه و يعطيني استاذه مفتحه عين و عميه قلب دعوه امي حبيبتي اول
darkness
---------
مساج الله بالنور
احسن لج داركنس
ترى هذا هوس اشوه
انج مو مثلنا
:)
لووووول يا الجبانه
عادي استكشفي و قلبج يطق طبول
اي اتصدقين اذا انيب لهم عادي
بس اذا اهم يشترون واي ماحلاتهم
يتسوق حق روحهم
الشر ما اييج
اي يا داركنس
شلت سيفي البتار
و حاربت بالامتحانات
سدره العشاق
------------
لووول اشدعوه اتخافين من الشهره
اي نقصه غريبه .. بس حلوه اتونس
مشكوره ماتقصرين
امين يارب
ويحفظ غاليج
5roofa
-------
لووول اثاري الهوس مستشري بينا
اشدعوه خرووفه بط مايستاهل يغمى عليج
اي بالضبط يطلعون فيها علل شكثر
امين يارب و يكفينا شره
امين يارب مشكوره
قلب طفله
----------
صباح النور
اي انا بعد شكثر اقكر بهالشي
لوووووووول شفيكم كلهم بط
امين يارب و يشفي مرضى المسلمين
امين يارب تسلمين
ولد الديره
-----------
ليش عاطل عن العمل
الشر ما اييك
:)
مشاري
-------
انا ما اعرف احد
مو بط عاد فريخات البط
يهال البط
بيبي بطات لوول
سدره العشاق
------------
يا طيبه الاوراق
الحمد الله خلصنا على خير
بس ننطر النتايج
charisma
---------
امين يارب
و يخليلج حبايبج يارب
ترى بيبي بط
يهال يونسون
وحده منهم ماتت
:"(
نجمه
------
ماتفقدين غالي
بس لهيت مع امتحاناتي
و الحمد الله خلصت على خير
blog 3amty
-----------
ظلمتني والله
انا بس اختار معاه
اهو بيشتري حق روحه
انا مرافق
:)
بنت الشاميه
------------
لا حالتج مستعصيه
انا بس لي جابلت الموظفين
اتصدقين ذاك اليوم وحده قاعده يمي
بالطياره حسيت انها بلوقر
بغيت اسالها بس تعوذت من بليس
لول
اللهم امين يارب
مشكووره على هالدعوه الحلوه
:)
عتيج الصوف
----------
الله يعينك
ان شاء الله اتخلص مغامرتك
وماتحتاج اتهاجر
:)
estkana
-------
ولهت عليكم اكثرررر
ماتفقدين غالي ان شاء الله
:*
بس لهيت مع امتحاناتي
و الحين عدت من جديد
:)
Post a Comment