هي سنه الانجازات بالنسبه لي
بدات بقرار نقلي الى احدى الاداراة المميزه في دوامي
وكنت من داخلي اتمنى انه يتم قبولي بعد الدوره الي تم عقدها الاختيار الانسب
كنا 5 وتم اختياري من بينهم و الصراحه انا ما كان عندي امل الانه الي معاي كلهم خبره اكثر مني بسنوات
بس نفعتني معرفتي بالكمبيوتر انه اتكون لي الاولويه و الحمد الله الله كتب هالنقل من نصيبي
عقبها قدمت على برنامج الدراسات العليا و تم قبولي بفضل من الله
سافرت وايد خلال هالسنه .. و احلى سفره كانت الحج و الي فعلا ما كنت مخطط لها بس سبحان الله اذا الله كتب كل شي يتيسر
اكثر شي هزني هالسنه اهو مرض عمي .. عسى ربي يتمم شفاه و يخليه لعياله
بس هم ربي ما قصر و ماختم لنا هالسنه الا ببشاره رجوعه على شهر فبراير سالم غانم اذا الله راد
وعسى ربي يطول بعمر امي و ابوي ولا يحرمنا من حسهم بالدنيا
ويوفق خواني بدراستهم ويجعلهم قره عين لنا و الوالدينا
ويرزق اختي الوظيفه الي ترضيها
و مثل ما ربي ختم لنا هالسنه بالخير يجعل 2009 خير لنا و لجميع المسلمين
و يرفع الضر عن اهل غزه و يامنهم باوطانهم
و يديم علينا نعمه الامن و الامان بديرتنا و يهدي ولاه امورنا لما يحب و يرضى
امنياتي لكم بسنه خير و حب و امان
و انه ربي يحقق لكم كل الي اتمنونه
14 comments:
اللهــــم آمين ..
الله يسعدج ويرزقج ما تتمنين ويعطيج على قد نيتج وربي يوفقج ويشفي عمج وكل مريض ويخليلج اميمتج وابوج واخوانج وخواتج يا خيلاء يا بنت ام خيلاء ;)
عساها تكون سنة أجمل لج ومن تحبين يارب
ويشافي مرضاكم ومرضى المسلمين
:")
كل العمر وانتي بخير وصحة وانجاز وفرح
نقلج...بداية طريق لانجاز كبير
عسى ربي يسخر لج عبيده ويوفقج بعملج
وقبولج..كان أمر مكتوب لج وكن فيكون يا الخيلاء
الله يشافي عمج وياجرة
ويحفظ لج اسرتج الجميله
ويبلغج باخوانج وكل من تحبين
:)
يارب...ما تدور هالسنه الا وانتي محققه انجاز مميز في عملج
وعلى مشارف نيل شهاده الماجستير
ومعك زوج صالح يكون لك قرة عين
:**
اللهم اميين
انجاازات موفقه
ومنها للأعلى ان شاءالله
وتخلصين الماستر وتبلشين بالدكتوراه
صج صج لا يكون تدرسين ويااي بالبحرين بس ;p
تستاهلين كل خير يالخيلاء
:*
عسى ربي يوفقج بكل امورج
وييسر عليج ويكتب لج النجاح
والفرح بكل خطواتج
ويحفظ لج كل غالي يارب
:)
امين
:)
سعيده جدا انها كانت لج سنه فرح و ان شاء الله يتمم عليج الرحمن الهنا و السعاده طول الزمان
كل سنه و انتي سالمه
:)
أأأأأأأأأأأأأأأأمممممممممممممممممممممممممممممممممممميييييييييييييييييييييييييييي
ويشفي عمج ويبلغكم فييييييه
وكل عام وانتي بخيير
فمالله
كل عام وانتي بالف خير
وعساها سنة خير على الكل
وعسى الله يشفي عمج
وجميع مرضى المسلمين
happy new year el5aila2
wl7mdelah 3la slamat 3amech
=D.
ان شاء الله تكون السنه اليديده سنة
حب وخير وامن وامااااان
اللهم امين
عقبال الدكتوراة
:)
ويرفع الضر عن عمك واهلك جميعا خيلاء
كل عام وانت اكثر نجاحا وسعادة
اميييين يارب العالمين
عسى الله يشفي عمج و مرضى المسلمين يارب
كل عام و انتي بسعاده و محققه
احلامج و يحفظج لج احبابج
و تقبل الله طاعتج ادري متاخره حدها
:**
اعترف
اني
مقصرة
اعترف
اني
ابتعدت
بس اكيد بتعذريني
الدنيا تلاهي
بس اللي بالقلب بالقلب
كل عام وانتي بخير حبيبتي
حياكم الله جميعا
واسال الله ان تكون سنه خير على الكل
Post a Comment