تحديث
مبروك يا استكانه المقاله الي انكتبت عن يور بلوق .. تستاهلين كل خير :)
صار لي جم يوم و انا و بنات افكاري بلويه .. كل وحده منهم تختار موضوع وتبي موضوعها اهو عنوان البوست .. عيزت احاول
ارضيهم .. بس محاولاتي بائت بالفشل .. و الانهم رفضوا يتفقون على راي .. قررت و عزمت اني اكتب موضوع بكيفي ..
وهذا شي من الاشياء الي علمتني اياها الحياه :)
و بما اني طالبه شاطره ماهره باهره .. ففهمت كل هالدروس و حاولت اطبق منها الي اقدر عليه .. و من هالدروس الي جادت علي فيها الحياه
تعلمت احسن الظن بالناس .. و التمس لهم العذر .. "التمس الاخيك سبعين عذر و عذر "
تعلمت اني ما ادخل بشؤون الناس ..
تعلمت اني الحق احلامي و امنياتي و احققها و ابذل كل الي بوسعي بسبيلها .. عشان ما اي يوم و اندم اني ما بذلت اقصى شي عندي
تعلمت اني ما اندم على شيئ الا ذنوبي الي بحق ربي .. و اي شي غيرها اعتبره درس و تجربه اتفيدني بحياتي
تعلمت انه اصفي نيتي مع الناس عشان ربي يوفقني " انما الاعمال بالنيات و لكل امرا مانوى
تعلمت انه اهلي اهم شي بالدنيا و محد يسد مكانهم
تعلمت انه يكون لي راي و كلمه .. و اني ما اتنازل عن قيمي و مبادئي عشان ارضي الناس
تعلمت اني اعز نفسي و احترمها .. عشان الناس يحترمونها
تعلمت اني اصادق نفسي و اكون صادقه معاها .. قبل لا اصادق الناس
تعلمت انه الصداقه من اسمى العلاقات الانسانسه الي تربط البشر بعضهم .. و لحمد الله الله رزقني بخوات عشت معاهم احلى ذكرياتي
تعلمت انه الحب لازم ينبع مني و اني احب الحب نفسه
تعلمت اني امشي مع التيار و انحني للعواصف لما تمر
..تعلمت انه الزعل و العصبيه ما ايبون نتيجه .. فصرت اطبق مثل طنش تعش تنتعش خاصه بالامور الي ماتسوى
تعلمت انه الدنيا ماتعطينا على كيفنا .. و مو كل الي نبيه انحصل
على كثر ما رحت و سافرت و شفت .. تعلمت انه الكويت ماتساويها بلد
و انا اكتب هالبوست .. عرفت انه الحياه كانت كريمه معاي و علمتني وايد اشياء :)
****
و الحين رواد بلوقي الاعزاء ينتقل المكرفون لكم .. شنو علمتكم الحياه ؟
****
على ما تفكرون انا بروح اراضي بنات افكاري .. الحين البوز شبر جدامهم .. الاني ما كتبت ولا موضوع من مواضيعهم .. بس يمونون و
يحق لهم يتغلون لول .. الانه بدونهم ماكو بوست ولا بلوق .. الله يعينا على رضاوتهم .. ;p
29 comments:
انا علمتني الحياه اني ما ازعل بنات افكاري
وامشي معاهم وعلى مزاجهم
كل هل خبرات الي بالبوست .. وماتعلمتي خبرتي ... افااا
:P
يعطيج العافيه على البوست الحكمي الفلسفي هذا
تحياتي :)
اي وهم علمتني الحياه اكون دايم اول تعليق بمدونات الاصحاب
:P
بوست جميل
وروحي راضي صديقاتج
ترا الدنيا ما تسوة
اخيتي
اعجبتني هذة الجملة
"
تعلمت اني ما اندم على شيئ الا ذنوبي الي بحق ربي .. و اي شي غيرها اعتبره درس و تجربه اتفيدني بحياتي
"
وتعلمت
اني اكون مظلومة ولا اكون ظالمة
بس ما اكون ساذجة واكسر خاطر نفسي
تعلمت اني ابدَي الاهم فالمهم
تعلمت ان المرأة التي لا تخالط المجتمع, وتتعلم كل شيء جديد يعود عليها بالفائدة
هي أمية, ولا تستطيع ان تربي اجيال
تعلمت ان الام اجمل شيء في الوجود
لذا اريد ان اكون اماً بمعنى الكلمة, يفتخر بي ابنائي
وفي النهاية
تعلمت اني امر على هذي المدونة دائماً
عشان ما يطوفني بوست حلو مثل هذا
ما أعطي باسورد المدونة حق أحد
تعلمت انه مقولة ليش كل ما يتمناه المرأ يدركه
شي حقيقي و مو مجرد كلام
تعلمت انه التمسك باحلامي احلى حل اني اعيش حلمي و ما يهمني منو يحاول يهدمه
تعلمت انه لو شنو بحاول اغير نفسي ماراح اقدر و بلشت اقتنع إنا أنا اهي أنا
تعلمت انه في اشياء نخليها سر وايد احسن لول
بوست روعه من بنت روعه
بس تصدقين الي تعلمتتي جنه احلى من الي تعلمته انا
:P
و لا طويلت علينا بالبوستات
salamz sweetee...
علمتني الحياة يا اخيتي ان الطعنات المميته ما تييني الا من اللي معطيهم ظهري ومأمن فيهم
وهم علمتني ان لو اطلع بصديق واحد ادري في وقت الشده اقدر اعتبره عصاتي اللي اتكي عليه خير من الف صديق ما القاهم الا في وقت الرخا
بولمعه محتاج تشجيع كونه مدون يديد
شجعه خلا يتحدى
:P
اولا اسجل اعتراضي على شيء مهم
ليش الافكار منحصرة بالبنات
!
ليش ماكو عيال افكار
!!
وين المساواة
وين العدالة
انا مثلا عندي عيال افكاري
اذا زعلوا بالطقاق
ولا حتى اراضيهم
دواهم انه بهالبرد افصخهم دلاقاتهم و يجوني ركض
بس اعترف
عندي بنتين افكار
حليمة
و
حصة
:P
خوش بوست اخيتي
انا تعلمت اشياء كثيرة
لكن انتي كفيتي ووفيتي
.
.
ويــه جيه مزعلتنهن هب زين ترى =p
>>>>طيري بس خخخ
الدنيا تعلمنا الكثير
وكل يوم حكمة ودرس يديد
ولكن هل فعلاً نستفيد ونتفادى أخطائنا ؟
علمتني الحياة أن أثق بذاتي وقدراتي
علمتني الحيــاة أن أطمح للأفضل
وعلمتني الحياة أن القناعة كنز لا يفنى
وعلمتني الحياة أن التوازن في كل الأمور مطلب أساسي
وعلمتني الكثير والكثير
ولازلت أتعلم وأخطو أولى خطواتي =)
.
.
يزاج ربي الجنة على هالكلمات المؤثرة
ومن متابعينج منذ اليوم
وتسعدني إطلالتكِ
=)
q8i_blogger
------------
عاد شنو خبرتك .. علمني ..عشان اضيفها و اقول علمني اياها كويتي بلوقر ;p
manalq8
--------
ههه منال لا تحاتين عادي كل يوم ازعلهم و يزعلوني :)
خوش دروس علمتج اياها الحياه :)
و الاهم انج اتمرين مدونتي .. ترى هذا درس مهم
fahad al askar
----------------
هذا درس يديد ;p
5aroofa
--------
افا عليج مايغلى عليج الي تعلمته .. مقدم على طبق من ذهب بعد
و ان شاء الله من يرضون بناتي بتهل عليج البوستات
bo_rashed
-----------
قالتها اصاله .. خف من الي كل امانك بايديه و تامنه
بو لمعه
--------
حياك الله معانا :)
ولد الديره
------------
عرفت ليش الافكار بنات .. عشان ما نستخدم معاهم العنف ..
و بعدين زين انهم بنات .. يزعلون و يروحون دورهم .. لو انهم صبيان جان الاحقهم من سكه لي سكه لوول
نوره
------
حي الله اهل الامارات .. تو مانوره المدونه بنورج :)
مايسمعون الكلام شسوي لهم :)
و الطالب الشاطر الي يستفيد من الدروس و ان شاء الله كل رواد بوستي شطار
مشكوره على التشجيع
وانا علمتني الدنيا اني
ما اجذب كلش ملش
بولمعه
-------
من نكك مبين انه التعلوم فايد فيك ;p
علمتني الحياة
اني ما اثق باحد
لان ما احد يخاف علي اكثر من نفسي
علمتني الحياة ان
الله دايما موجود
واني احب اللي يحبني وما اكره اللي يكرهني ..
و اني لازم اقول حق اللي يحبنوني اني احبهم لان يمكن ايي يوم ما الاقيهم ..
مو دايما لازم ننحني للتيار
ساعات لازم نواجهه
علمتني الحياة .. إن رضى ربي أهم من رضى كل الناس
علمتني الحياة .. إن الصداقه ليست كلها حقيقية
علمتني الحياة .. إني مع ربي ما أخاف من أحد ولا أهتم برأيه
علمتني الحياة ..إن الدنيا كلها ما تسوى لي سجدت سجده وحده ربي
تدرين شكلي بحط بوست عن شنو علمتني الحياة والقائمه شكلها طووووويله
:p
بوست حلو
والتيار لازم مو دايما تنحنين له لابد من مواجهة العاصفة
والي تعلمته ان لا ياس مع الحياة ولا حياة مع الياس
والله يخليج شيلي
Word Verification
صباح الورد
ماشاء الله والله متعلمه دروس وايد من الدنيا
انا تعلمت إن الطّيب ماله مكان بهالدنيا
شكرا لك خيلاء
بوست روعة
وبس
بابل
تعلمت اشياء وايد ما اقدر اوفيها بجمله
بوست جميل
وشكرا
تعلمت ما اصير طيبة زيادة عن اللزوم
و آخذ حقي بإيدي
:)
ترا من قلب عمرج طويل :))
توج ببالي يوم كتبتبي الكومنت عندي سبحان الله دشيت ولا هذي انتي
:**
سامحيني على القطاعه انشغلت شوي بس آيمم باااك وهنيي بعد
:))
كل اللي انتي تعلمتيه انا بعد تعلمته لوول
بس صج صج ترا :)
يمكن اكثر شي تعلمته اني مفروض ما استعجل بأي شغله مهمه
ضعت مره وبغيت اضيع مره ثانيه كله من العجله اللي فيني :)
وعادي بقولج ياهم .. اول شغله طلعت من كلية الحقوق لا تخليني اقول القصه ترا اقعد ابجي معني محتاجه اقولها حق احد :) واللي بغيت اضيع فيها على حنتي واني موافقه اتزوج واحد عمره 32 وفيه بعد شغلالات ثانية كلش مو لايقه لي :)) بس لان ابتسامته يوم شفته عجبتني تخيلي بس الحمدلله اهلي سنعوني لوول
يعني على قولتهم في التأني السلامه وفي العجله الندامه
اكثر شي تعلمته :)
peace
------
ترى حلو تلقين ناس تثقين فيهم .. و لو خليت خربت :)
Meno_yensa
-----------
وايد مهم انه انتعلم انبوح بمشاعرنا .. و عن نفسي لي لحين ماقدرت اتقن هالدرس .. يمكن بالسنوات اليايه :)
فتى الجبل
-----------
طبعا مو كل العواصف ولا شفايده الحياه بدون اكشن :)
بس في عواصف مواجهتها راح تكسرني و ماراح استفيد شي ..
فا عادي انحني لها لما اتمر .. علئه اتفوت ولا حد يموت :)
حياتي هدف
----------
حلالج البوست و راعيته :)
eng_q8
-------
نفس ملاحظه فتى الجبل .. راجع رده ما عليك امر :)
و الورد فيريفيكيشن و شلناه .. امر :)
بابل
------
قايلتلكم انا طالبه نجيبه ;p
manayer
--------
حياج الله :)
سدره_العشاق
------------
طبعا كلش ولا الحق .. مو حلو الناس تستغفلج و تاخذ حقج على ابو طيبه
هذا شي انتعلمه لما انداوم لول
selezya
--------
تو مانور البوست :)
و القلوب شواهد
و مواقفج جاااايده يا بنيه .. بس هذي الحياه تجارب و دروس :)
Post a Comment