CLICK HERE FOR BLOGGER TEMPLATES AND MYSPACE LAYOUTS »

Wednesday, February 27, 2008

قصه الورده


مساء الورد :)

شلونكم مع اول يوم دوام من عقب الاجازه و عقب باجر اجازه بعد :/

الاشعار .. الروايات .. المقالات الي اتكون فيها افكار مبتكره و بعيده عن النمطيه اتشدني واستمتع بقرائتها و احس انه الي اكتبوها
ناس مبدعين و عندهم ملكه عاليه في الكتابه و التفكير
قصه الورده
قال لي ماتت الوردة نسى إحســــــاسه اللي مات
نسى حبي وحناني وقســوته وكيف كان يعاملني
عطاني وردة حمرا الصبح وماتت بعدها بساعات
وحتى بموتت الوردة أعـــــــــــــز الناس يعايرني
أكيد بتموت هالـــــــــوردة تركتها بأحوج الأوقات
نسيت إنه العطش يذبـــــح ذبحتها وجيت تذبحني
جزاك الله يا خلي خير فــــرشت لي دربي بجمرات
وأنا أمشي وأنا ســـــــــــاكت وأقول الله يصبرن
يغريبة كيف أنا أسامــــــــــح وإنته تزيد هالغلطات
واذا أخطيت أنا بلا قصد أشـــــــوفك ما تسامحني
غريبة كيف أسمـــــــــــــح لك تطالعني بهالنظرات
واذا إني جيت أضحك لك أشــــــوفك إنت تحرجني
تعبت أمشي أنــــــــــا بدربك ودربك ممتلي ثغرات
وإنته تقـــــــــول لي إصبر وغصب عني تصبرني
وكل ما قلت لك خلنا نريح تسرع الخطـــــــــــوات
يا خلي قـــــــــــــول يعني ليش بهالقسوة تعاملني
اذا حبي وسط قلبك ذبل فــــــــــــــي يوم والا مات
أو إنك خــــــــــــذت ما تبغي وبعد هذا شبعت مني
تكلم قــــــــــــــول لا تسكت وخلنا نجلب الصفحات
وكل واحد يــــــــــروح بدرب بس لازم تصارحني
أنـــــــــــــــا مابيك تحس بذنب أو تندم على مافات
ولكني أبيك تقــــــــــــــــــــــول إنته شفيك ريحني
أبسمع كل مافقلبك أبسمع لـــــــــــــو بعض كلمات
وأنا متوقـــــــــــــــــع إنك لو حكيت لابد تصدمني
واذا إنته تهمك الوردة تعال إسقيها لــــــو قطرات
وصدقني بتتفتــــــــــــــــــــــح بتعجبك وبتعجبني
واذا إنها ما تهمك لا تعيشها وســــــــــــط ظلمات
بيديك إدفنها بالتربه عسى غيـــــــــــرك لها يحني
الشاعر / طارق المحياس



10 comments:

MaNaYeR said...

اذا حبي وسط قلبك ذبل فــــــــــــــي يوم والا مات
أو إنك خــــــــــــذت ما تبغي وبعد هذا شبعت مني




الله عليج

والله هالبيت حلو حيل وبما اني اول وحده تعلق احب احييج على هالابيات



^_^

bo rashed said...

خيلاء على طاري الورد بقولج معلومه عن

ورده اسمها وردة النار موجوده في روسيا

اذا حاولتي تعرضين هالورده حق النار

ماتحترق بالعكس يطلع منها شرار ازرق

وبعد لحظات ترد مثل ما كانت

سبحان الخالق

:)
وياورد من علمك تجرح

متطرّف جدًا said...

يا طارق المنحاس العقل محياس" ـ ،، ـ"

Anonymous said...

حدي أحب قصايد طارق المحياس

وخصوصاً قصة الوردة وياسمين

أحس قصايده حلوة واايد

تسلمين على الإختيار الموفق الغالية

وربيه يوفقج فالدراسة ^_*

Eng_Q8 said...

قصيده جميله

Anonymous said...

Attention please!
->> Remove Viruses! <<-

ولد الديرة said...

اشاييكم على الشمغ :)

الخيلاء said...

manayer
-------

حياج الله :)

اهم شي انه الابيات اعجبتج


bo rashed
-----------

سبحان الله

شوقتني اشوفها

عاد اذكر ايام الجامعه كنت مسويه برسنتيشن عن الورد و طلعت وايد اشياء غريبه

شكلي بشوف اقرب وفد رايح ولا راد من روسيا ايبلي اياها :)

الخيلاء said...

suhil
------

:)



pink girl
-----------

الافكار الي بقصايده حلوه

و حياج الله متابعه يديده لمدونتي

لاتقاطعين :)

الخيلاء said...

eng_q8
--------

شكرا :)


ولد الديره
-----------

يمكن موضه

الصوره من قوقل مو مني :)