حزب الله الكويتي يعزي بـ استشهاد الحاج المجاهد
"عماد مغنيه"
حسبي الله و نعم الوكيل
حزب الله فرع الكويت هو " التحالف الاسلامي الوطني " و طبعا ما يخفى على احد ممثلين هالحزب بالمجلس
وين الوطنيه بتعزيه الحزب الام .. بمقتل احد اهم الاشخاص المصنفين على قائمه الارهاب و الشخص الي عيش الكويت و اهلها برعب لايام و ليالي
الاهم انهم معزين بمقتل المجاهد .. وين الجهاد .. شنو سوا بحياته غير التشريد و التخويف بحق مسلمين كل ذنبهم انهم خالفوه بعقيدته
اما عن الحزب الي عندنا اقول لهم
هذي هديتكم بالكويت بشهرها المميز
هذي احتفالاتكم بالعيد الوطني و عيد التحرير
هذا تعبيركم عن الولاء لهالارض الطيبه الي عطتكم و مابخلت عليكم
و للكويت الي كل يوم تنصدم بعيالها اقول
لله درك يا كويت دام هذيل صاروا يتكلمون باسمج و صاروا اعضاء ابرلمانج و يتشرفون انهم يحملون جنسيتج
لحكومتنا الكريمه اقول
مطلوب قفه جاده .. بس حرام عليكم الي قاعد يصير
الكويت ماتستاهل .. كل من قام ينهشها من صوب
لكم رواد بلوقي الكرام اقول
الكويت عزيزه بعيالها الشرفاء الي يحقون الحق و ينكرون الباطل
اذا احنا ما رفعنا شان ديرتنا محد بيرفعه
****
بيان جمعيه الاصلاح و مؤيدين الاختلاط
من يقرا بيان جمعيه الاصلاح
و
من ينتظر رد المؤيدين على البيان
يــحــســدنــا
الانه ديرتنا مافيها الا هالمشكله و من بعد ما يحلونها الاخوان المختلفين في الراي بكل رقي و عقلانيه مثل ما شفنا في
البيان الصارد من جمعيه الاصلاح و الذي يزخر بالورع الديني و الحث على تماسك المجتمع وان اختلفت الاراء
سيتم التفرغ الاستقبال الطلبات المقدمه من عدد من الدول تطلب فيها ان يقوم الخبراء الكويتين ذوي العقول الفذه و البصيره النيره و الاستراتيجيات الواضحه باعطائهم دورات في فن اداره الازمات و اتخاذ القرارت و كتابه البيانات المحايده ..
على ان تقدم هذه الدروس بالتعاون مع جميع الاحزاب و التكتلات و الجمعيات و الهيئات و الي يدري و الي مايدري تحقيقا لمبدا المساواه
همسه للجرايد و القائمين عليها
لا تخلون الناس تطمع بالعقول الفذه الي عندنا ولا تعطونهم سر الخلطه السريه للاوضاع السحريه بالكويت
11 comments:
اي والله
للأسف هذول نوابنا !!
وين الوطنيه
ويصارخون ليل ونهار دفاع عن دستورنا والوطنيه
للأسف
المفروض من وزارة الداخلية ان تقوم بنقف كل فرد من افراد هذا الحزب وما اكثرهم..هذه الايام
====
بخصوص بيان االاتراح من جمعية الاصلاح هنا الرد
للأسف فاقدين وطنية
عندنا مقال عليهم و فاضحينهم
حسبي الله و نعم الوكيل السبعة تحاسيب فيهم و في كل من يوقف وياهم دنيا و آخرة يارب
و عسى الله يحرقهم بجهنم مع هالودر اللي فطس
آآآه وآه على حبيبتى المخلصة الكويت
ماقول الا لها رب يحميها من الكل
شكرا أختى على حرصك وغيرتك على كويتنا الغالية
وبس
بابل
q80 blogger
-------------
تنتهي كل المعاني و نخذلهم الكلمات لي وصل الامر للعقيده و الحزب
عسى الله يفكنا من شرهم
krakatoa
---------
المفروض .. بس وين و اليوم شين الحلايه عبدالصمد مهدد وزير الداخليه الي اهو من افراد الاسره ..
هذيل كلش ولا الحزب .. الله يزولهم
بوصالح
--------
الشرهه علينا الي سمحنا لهالاشكال توصل لمناصب عاليه .. و اتصير لها كلمه ..
سدره العشاق
-------------
حسبي الله عليهم
اامين ..
هذيل ناس مختوم على قلوبهم و مغسوله مخوخهم .. تلقين اهما نفسهم مو مقتنعين بلكلام الي يقولونه
بابل
------
امين ..
الله يرد كيدهم بنحرهم و يجعل تدبيرهم تدمير عليهم و على حزب ابليس
و لا شكر على واجب .. اذا احنا ما انكرنا الي قاعد يصير محد بينكره و لازم يعرفون انه توجهاتهم و انتمائاتهم شي مانقبل فيه
هذي نماين المتأسلمين السنة والشيعة
اللي ابتلشت فيهم الديرة وابتلشنا احنا بعد فيهم
صاج والله ابتلشنا فيهم
...please where can I buy a unicorn?
Post a Comment